SL vs PAK: 10-வது டெஸ்ட் சதம் பதிவு செய்த இலங்கை வீரர்!-தலா 3 விக்கெட்டுகளை வீழ்த்திய 3 பாக்., பவுலர்கள்

இலங்கை-பாகிஸ்தான் இடையேயான முதலாவது டெஸ்ட் கிரிக்கெட் போட்டி கல்லே இன்டர்நேஷனல் ஸ்டேடியத்தில் நடைபெற்று வருகிறது.

நேற்று தொடங்கிய இந்தப் போட்டியில் இலங்கை டாஸ் வென்று முதலில் பேட்டிங் செய்தது.

முதல் இன்னிங்ஸில் இலங்கை அணி 95.2 ஓவர்களில் அனைத்து விக்கெட்டுகளை இழந்து 312 ரன்களை எடுத்தது.

அதிகபட்சமாக தனஞ்செய டி சில்வா சதம் விளாசினார். நிஷான் மதுஷ்கா 4 ரன்களிலும், கேப்டன் கருணாரத்னே 29 ரன்களிலும் ஆட்டமிழந்தனர்.

குசால் மெண்டிஸ் 12 ரன்களிலும், மாத்யூஸ் 64 ரன்களிலும் நடையைக் கட்ட, சண்டிமால் 1 ரன்னில் பெவிலியன் திரும்பினார்.

தனஞ்செய டி சில்வா மட்டும் நிதானமாக விளையாடிய டெஸ்டில் 10வது சதத்தை பூர்த்தி செய்தார்.

அவர் 214 பந்துகளில் 122 ரன்களை விளாசினார். மொத்தம் 12 ஃபோர்ஸ், 3 சிக்ஸர்களை அவர் விளாசினார்.

விக்கெட் கீப்பர் சமரவிக்ரமா 36 ரன்களில் ஆட்டமிழந்தார். தனஞ்செய டி சில்வா விக்கெட்டை பாகிஸ்தான் இளம் பவுலர் நசீம் ஷா கைப்பற்றினார்.

முதல் இன்னிங்ஸில் நசீம் ஷா, அப்ரர் அகமது, ஷஹீன் அஃப்ரிடி ஆகியோர் தலா 3 விக்கெட்டுகளை கைப்பற்றினர்.

இதையடுத்து, முதல் இன்னிங்ஸில் பாகிஸ்தான் விளையாடி வருகிறது.