Actor Sathish: நடிகர் சதீஷுக்கு பிடித்த டிஎன்பிஎல் பிளேயர்கள் இவர்கள் தான்!-நெல்லையில் போட்டியைக் கண்டு ரசிக்கிறார்

நகைச்சுவை நடிகர் சதீஷ், லைக்கா கோவை கிங்ஸ், மதுரை பேந்தர்ஸ் அணிகளுக்கு இடையே நெல்லையில் இன்று தொடங்கி நடைபெற்றுவரும் போட்டியைக் கண்டு ரசித்தார்.

வர்ணனையாளர்களுடன் அவர் ஜாலியாக சில நிமிடங்கள் பேசினார். பின்னர், பவுண்டரி எல்லையில் தொகுப்பாளர் சஷ்டிகா எழுப்பிய கேள்விகளுக்கு அவர் பதிலளித்தார்.

அப்போது அவர் கூறியதாவது:

சென்னை சேப்பாக்கம் மைதானத்தில் போட்டியைக் காண்பது போலவே இருக்கிறது. இதுவே நான் கண்டு ரசிக்கும் முதல் டிஎன்பிஎல் கிரிக்கெட் போட்டி ஆகும். அடுத்த வருடமும் நிச்சயம் வந்து போட்டியைக் கண்டு ரசிப்பேன். டிஎன்பிஎல் இளம் வீரர்களுக்கு கிடைத்துள்ள மிகப் பெரிய வாய்ப்பு. முன்பெல்லாம் இதுபோன்று வாய்ப்பு கிடைக்கவில்லை. சேலத்தில் கிரிக்கெட் வீரர் நடராஜன், மைதானம் திறந்திருப்பது மிகப்பெரிய விஷயம்.

நானும் அந்த மைதானத்திற்கு முன்பு ஒரு முறை சென்று பார்த்திருக்கிறேன். எனக்கு மிகவும் பிடித்த டிஎன்பிஎல் வீரர் சாய் சுதர்ஷன், முருகன் அஸ்வின், நடராஜன் தான். சிஎஸ்கேவுக்கு எதிராக பைனலில் சாய் சுதர்ஷன் மிரட்டியது மறக்க முடியுமா? நான் இளம் வயதிலிருந்தே கிரிக்கெட் ரசிகன். எங்காவது ஷூட்டிங் செல்லும்போது கூட வழியில் யார் கிரிக்கெட் விளையாடினாலும் காரை ஓரமாக நிறுத்திவிட்டு கண்டு ரசிப்பேன். சில முறை அவர்களுடன் இணைந்து விளையாடவும் செய்திருக்கிறேன்.

டிஎன்பிஎல் போட்டியை டிவியில் கண்டு ரசிப்பதற்கும், நேரில் பார்த்து ரசிப்பதற்கும் பெரிய வித்தியாசம் உள்ளது. நிறைய ரசிகர்கள் திரண்டு வந்திருப்பதை பார்க்கும்போது மிகவும் மகிழ்ச்சியாக இருக்கிறது என்றார் சதீஷ்.

நடிகர் சதீஷ் வருகையை எதிர்பாராத ரசிகர்கள் உற்சாகமடைந்தனர். அவர் ரசிகர்களை நோக்கி கைகளை அசைத்தார். சதீஷ் கோவை கிங்ஸ் அணியின் ஜெர்ஸியை அணிந்திருந்தார். லைக்கா நிறுவனம் பிரபல திரைப்பட தயாரிப்பு நிறுவனம் என்பது இங்கே குறிப்பிடத்தக்கது. அந்த நிறுவனம் தான் கோவை அணியின் உரிமையாளராக இருக்கிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9