Madurai Panthers: திருச்சி தொடர்ந்து 5வது தோல்வி-மதுரை அசத்தல் வெற்றி

டிஎன்பிஎல் கிரிக்கெட் போட்டியில் இன்றைய தினம் சீகம் மதுரை பேந்தர்ஸ்-பால்சி திருச்சி ஆகிய அணிகள் மோதின. இது 21வது லீக் ஆட்டம் ஆகும். இந்த ஆட்டத்தில் மதுரை பேந்தர்ஸ் ஜெயித்தது.

பால்சி திருச்சி அணி டாஸ் வென்று பேட்டிங்கைத் தேர்வு செய்தது. முதலில் விளையாடிய திருச்சி அணி அனைத்து விக்கெட்டுகளையும் இழந்து 105 ரன்களில் மோசமான ஸ்கோரில் சுருண்டது.

அந்த அணியின் மணி பாரதி மட்டுமே 48 ரன்களை விளாசினார். மற்ற அனைவருமே சொற்ப ரன்களில் நடையைக் கட்டினர்.

மதுரை பவுலர் சரவணன், அதிகபட்சமாக 3 விக்கெட்டுகளையும் அஜய் கிருஷ்ணா, குர்ஜப்னீத் சிங் ஆகியோர் தலா 2 விக்கெட்டுகளையும் வீழ்த்தினர்.

இதையடுத்து, 106 ரன்கள் எடுத்தால் வெற்றி என்ற இலக்குடன் விளையாடிய மதுரை 17 ஓவர்களில் 3 விக்கெட்டுகளை மட்டுமே இழந்து 108 ரன்களை அடைந்தது. இதன்மூலம் அந்த அணி 7 விக்கெட் வித்தியாசத்தில் வெற்றி பெற்றது.

சேலத்தில் நடக்கும் கடைசி போட்டியில் பரபரப்பு நிச்சயம் பஞ்சம் இருக்காது என எதிர்பார்க்கப்பட்ட நிலையில் ஆட்டம் எளிதாக முடிந்து போனது. சேலம் எஸ்சிஎஃப் மைதானத்தில் இன்றுடன் டிஎன்பிஎல் லீக் ஆட்டங்கள் நிறைவு பெறுகின்றன. இதன்பிறகு தகுதிச்சுற்று 1, எலிமினேட்டர் சுற்றுப் போட்டிகள் தான் மீண்டும் சேலத்தில் நடைபெறும்.

டிஎன்பிஎல் போட்டிகளை ஃபேன்கோடு செயலியில் கட்டணம் செலுத்தி கண்டு ரசிக்கலாம்.

ஸ்டார் ஸ்போர்ட்ஸ் 1 சேனலிலும் போட்டி ஒளிபரப்பப்படுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.