Nellai Royal Kings: நெல்லை ராயல் கிங்ஸ் த்ரில் வெற்றி-சேலம் போராடி தோல்வி

டிஎன்பிஎல் கிரிக்கெட்டில் இன்று 13வது ஆட்டம் இரவு 7.15 மணிக்கு தொடங்குவதாக இருந்தது. ஆனால், போட்டி மழை காரணமாக 8.20 மணி அளவில் தொடங்கியது. டாஸ் ஜெயித்த நெல்லை அணி பவுலிங்கை தேர்வு செய்தது.

விறுவிறுப்பாக நடந்த ஆட்டத்தில் சேலம் அணி, 16 ஓவர்களில் 4 விக்கெட் இழப்புக்கு 115 ரன்களை அடித்தது. அப்போது மழை குறுக்கிட்டதால், நடுவர் போட்டியை நிறுத்தினார்.

இதையடுத்து மழை நின்றதும், டக்வொர்த் லீவிஸ் முறையில் டார்கெட் 129 ஆக நிர்ணயிக்கப்பட்டது. அதைத் தொடர்ந்து நெல்லை ராயல் கிங்ஸ் அணி இலக்கை நோக்கி களமிறங்கியது.

முன்னதாக, சேலம் அணி சார்பில் கவுசிக் காந்தி அரை சதம் விளாசி ஆட்டமிழந்தார்.

இதையடுத்து நெல்லை ராயல் கிங்ஸ் அணி சேஸிங் செய்தது.

அந்த அணியின் கேப்டன் அருண் கார்த்திக் டக் அவுட்டாகி செல்ல, ஸ்ரீ நிரஞ்சன் 14 ரன்களிலும், அஜீதேஷ் குருசுவாமி 39 ரன்களிலும் ஆட்டமிழந்தனர்.

நம்பிக்கை தரும் வகையில் விளையாடிய ரித்திக் ஈஸ்வரன், 18 ரன்களில் நடையைக் கட்டினார்.

இதனால், அந்த அணி இலக்கை நோக்கி செல்ல தள்ளாடியது. அதிரடி வீரர் சோனு யாதவ் 8 ரன்னில் பெவிலியன் சென்றார்.

கடைசி 3 ஓவரில் 37 ரன்கள் எடுக்க வேண்டிய நிலை வந்தது. ஒரு வழியாக கடைசி ஓவரில் இலக்கை எட்டி வெற்றி கண்டு நெல்லை அணி. சூரிய பிரகாஷ் ஆட்டமிழக்காமல் இருந்து வெற்றியைத் தேடி தந்தார்.

புள்ளிப்பட்டியலில் அடுத்தடுத்த இடத்தில் நெல்லை, சேலம் அணிகள் இருந்து வந்தன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.