PV Sindhu: அதிக சம்பளம் வாங்கும் வீராங்கனைகள் போர்ஸ் லிஸ்டில் பிவி சிந்து! எத்தனையாவது இடம் தெரியுமா?
Dec 23, 2023, 05:33 PM IST
Share
உலக அளவில் 11வது ரேங்கில் இருந்து வரும் பிவி சிந்து இந்த சீசனில் தொடர்ச்சியாக மூன்று தொடரில் முதல் சுற்றிலேயே வெளியேறினார். ஜூலை மாதம் 17வது ரேங்குக்கு பின் தங்கினார்.
இந்திய மகளிர் பேட்மிண்டனில் நட்சத்திர வீராங்கனையாக இருந்து வருபவர் பிவி சிந்து. இவர் 2023ஆம் ஆண்டில் அதிக சம்பளம் பெறும் மகளிர் வீராங்கனை போர்ப்ஸ் லிஸ்டில் இடம்பிடித்துள்ளார். இவர் இந்த லிஸ்டில் 7.1 மில்லியன் அமெரிக்க டாலர் சம்பளம் பெற்று 16வது இடத்தில் உள்ளார்.
கடந்த ஆண்டில் இதே 7.1 மில்லியன் அமெரிக்க டாலர் பெற்ற போதிலும், போர்ப்ஸ் லிஸ்டில் 12வது இடத்தை பிடித்திருந்தார். 2018ஆம் ஆண்டில் 8.5 மில்லியன் அமெரிக்க டாலர்களை பெற்று 7வது இடத்தை பிடித்தார்.
பிடபிள்யூஎஃப் உலக சுற்றுப்பயணத்தில் முதல் மூன்று தொடர்களில் முதல் சுற்றில் இருந்தே வெளியேறினார் பிவி சிந்து. இதனால் 11வது ரேங்கிங்கில் இருந்த அவர் ஜூலை மாதம் 17வது ரேங்குக்கு பின் தங்கினார். கடந்த 10 ஆண்டுகளில் இந்த சீசன் அவருக்கு மிகவும் மோசமானதாக அமைந்தது.
இருப்பினும் மாட்ரிட் ஸ்பெயின் மாஸ்டர்ஸ் தொடரில் இவர் ரன்னர் அப் பட்டத்தை வென்றார்.
போர்ப்ஸ் லிஸ்டில் அதிக சம்பளம் வாங்கும் மகளிர் விளையாட்டு வீராங்கனை லிஸ்டில் போலாந்து நாட்டை சேர்ந்த டென்னிஸ் வீராங்கனை இகா ஸ்விடெக் முதல் இடத்தை பிடித்துள்ளார். இதில் டாப் 10 லிஸ்டில் இந்திய வீராங்கனைகள் யாரும் இல்லை.
டாபிக்ஸ்