Pro Kabaddi League 2023: குஜராத்தை வீழ்த்தி முதல் வெற்றியை ருசித்த ஜெய்ப்பூர்!

புரோ கபடி லீக்கின் 18வது போட்டியில் ஜெய்பூர் பிங்க் பேந்தர்ஸ் அணி, குஜராத் ஜெய்ண்ட்ஸ் அணியை 35-32 என்ற புள்ளிக் கணக்கில் வீழ்த்தியது. இதன் மூலம் நடப்பு தொடரில் அந்த அணி முதல் வெற்றியை பதிவு செய்துள்ளது.

புரோ கபடி லீக்கின் 10வது சீஸன் ஆட்டம் இந்தியாவின் பல்வேறு மாநிலங்களில் நடந்து வருகிறது. இதில், நடப்பு சாம்பியன் ஜெய்ப்பூர் பிங்க் பேந்தர்ஸ், டில்லி, தமிழ் தலைவாஸ், பெங்களூரு, மும்பை, பாட்னா, குஜராத் ஜெய்ண்ட்ஸ் உள்ளிட்ட 12 அணிகள் பங்கேற்றுள்ளன.

டவுண்ட் டிராபி முறையில் விறுவிறுப்பாக நடந்துவரும் இந்த போட்டியின் 18-வது போட்டி இன்று (டிச.11) ஸ்ரீ கண்டீரவா உள்விளையாட்டு அரங்கத்தில் நடைபெற்றது. இதில், நடப்பு சாம்பியனான ஜெய்பூர் பிங்க் பாந்தர்ஸ் மற்றும் குஜராத் ஜெய்ண்ட்ஸ் அணிகள் மோதின. சிறப்பான ஆட்டத்தை வெளிப்படுத்திய குஜராத் முதலில் புள்ளிகளை அள்ளியது.

குஜராத் அணியைச் சேர்ந்த சோனு முதல் பாதியில் ஆக்ரோஷமாக 10 ரெய்டு சென்று 7 புள்ளிகள் எடுத்தார். முதல் பாதியில் குஜராத் ஜெய்ண்ட்ஸ் 20 புள்ளிகளை எடுத்திருந்தது. ஜெய்பூர் 12 புள்ளிகள் பெற்று பின்தங்கி இருந்தது. இதையடுத்து

ஆட்டத்தின் 14வது நிமிடத்தில் முதல்முறையாக பிடிபட்டார் சோனு. இதன் பிறகு ஜெய்பூரின் ஆட்டம் சூடுபிடிக்கத் தொடங்கியது. இதையடுத்து இருஅணிகளும் ஒருகட்டத்தில் சமநிலையில் இருந்தன.

கடைசி 2:30 நிமிடம் இருந்த போது குஜராத் 29-31 என இருந்தது. 2 புள்ளிகள் வித்தியாசத்தில் ஆட்டம் தொடர்ந்த போது ஜெய்பூர் பிங்க் பாந்தர்ஸ் உறுதியான ஆட்டத்தை வெளிப்படுத்தி 35 புள்ளிகள் என முன்னிலை பெற்றது. கடைசியில் ஜெய்ப்பூர் 35-32 என்ற கணக்கில் வெற்றி பெற்றது. இதன் மூலம் இந்த சீசனில் முதல் வெற்றியை ருசித்திருக்கிறது ஜெய்ப்பூர் பிங்க் பேந்தர்ஸ்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9