PKL 2023: தமிழ் தலைவாஸ் மீண்டும் சொதப்பல்..ஹரியானா அபார வெற்றி!

புரோ கபடி லீக்கின் 10வது சீஸன் ஆட்டம் இந்தியாவின் பல்வேறு மாநிலங்களில் நடந்து வருகிறது. இதில், நடப்பு சாம்பியன் ஜெய்ப்பூர் பிங்க் பேந்தர்ஸ், டில்லி தபாங், தமிழ் தலைவாஸ், பெங்களூரு, மும்பை, பாட்னா, குஜராத் ஜெய்ண்ட்ஸ் உள்ளிட்ட 12 அணிகள் பங்கேற்றுள்ளன.

விறுவிறுப்பாக நடந்துவரும் இந்த தொடரின் 41-வது போட்டி நேற்றிரவு (டிச.25) சென்னை ஜவஹர்லால் நேரு மைதானத்தில் இருக்கும் எஸ்டாட் இண்டோர் ஸ்டேடியத்தில் நடைபெற்றது. இதில், தமிழ் தலைவாஸ் மற்றும் ஹரியானா ஸ்டீலர்ஸ் அணிகள் மோதின. சிறப்பான ஆட்டத்தை வெளிப்படுத்திய ஹரியானா அணி 42-49 என்ற புள்ளிகள் வித்தியாசத்தில் தமிழ் தலைவாஸ் அணியை வீழ்த்தி வெற்றி பெற்றது.

இதன் மூலம் தமிழ் தலைவாஸ் அணி 7 ஆட்டத்தில் 2 வெற்றி, 5 தோல்வியுடன் 11 புள்ளிகள் பெற்று 11-வது இடத்தில் உள்ளது. ஹரியானா ஸ்டீலர்ஸ் அணி 7 ஆட்டத்தில் 5 வெற்றி, 2 தோல்வியுடன் 26 புள்ளிகள் பெற்று உள்ளது. அந்த அணி புள்ளிகள் பட்டியலில் இரண்டாம் இடத்தை பிடித்துள்ளது.

முன்னதாக நடைபெற்ற மற்றொரு லீக் ஆட்டத்தில் பெங்கால் வாரியர்ஸ் அணியை வீழ்த்தி தபாங் டெல்லி அணி வெற்றி பெற்றது.

இதற்கிடையில், தமிழ் தலைவாஸ் அணி தனது அடுத்த ஆட்டத்தில் நாளை (டிச.27) குஜராத் ஜெய்ண்ட்ஸ் அணியை எதிர்கொள்கிறது. கடந்த 3 ஆட்டத்தில் தமிழ் தலைவாஸ் தோல்வி அடைந்தது. இதனால் தோல்வியில் இருந்து மீண்டு வெற்றி பாதைக்கு திரும்புமா? என்று ஆவலுடன் எதிர்பார்க்கப்படுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9