Major League Cricket: பூரன் அரை சதம் விளாசி அசத்தல்-MI நியூயார்க் 8 விக்கெட் வித்தியாசத்தில் வெற்றி

மேஜர் லீக் கிரிக்கெட் போட்டியில் MI நியூயார்க், வாஷிங்டன் ஃப்ரீடம் ஆகிய அணிகளுக்கு இடையே நேற்று நடந்த ஆட்டத்தில் எம்ஐ நியூயார்க் அணி 9 விக்கெட் வித்தியாசத்தில் வெற்றி பெற்றது.

மோரிஸ்வில்லே சர்ச் ஸ்ட்ரீட் பார்க்கில் நடந்த இந்த ஆட்டத்தில் எம்ஐ நியூயார்க் டாஸ் வென்று பவுலிங்கைத் தேர்வு செய்தது.

இதையடுத்து, முதலில் வாஷிங்டன் ஃப்ரீடம் தனது இன்னிங்ஸை விளையாடியது. நிர்ணயிக்கப்பட்ட 20 ஓவர்களில் 6 விக்கெட் இழப்புக்கு 160 ரன்களை எடுத்தது.

கிளென் பிலிப்ஸ் 47 ரன்களும், கேப்டன் ஹென்றிக்ஸ் 32 ரன்களும் பதிவு செய்தனர். எம்ஐ சார்பில் அதிகபட்சமாக கேப்டன் பொல்லார்டு 2 விக்கெட்டுகளை எடுத்தார்.

இதையடுத்து, 161 ரன்கள் எடுத்தால் வெற்றி என்ற இலக்குடன் எம்ஐ நியூயார்க் அணி விளையாடியது.

ஷியாம் ஜஹாங்கீர் 29 ரன்களிலும், மோனாக் படேல் 44 ரன்களிலும் ஆட்டமிழந்தனர். நிகோலஸ் பூரன் 62 ரன்கள் விளாசி அசத்தினார். பொல்லார்டு அவருக்கு தோள் கொடுத்தார்.

இவ்வாறாக 15.3 ஓவர்களில் இலக்கை எட்டி வெற்றி பெற்றது.

சியாட்டல் ஆர்காஸ், வாஷிங்டன் ப்ரீடம், எம்ஐ நியூயார்க், டெக்சாஸ் சூப்பர் கிங்ஸ், சான் பிரான்சிஸ்கோ யூனிகார்ன்ஸ், லாஸ் ஏஞ்சலிஸ் நைட் ரைடர்ஸ் ஆகிய அணிகள் மேஜர் லீக் கிரிக்கெட்டில் விளையாடி வருகின்றன.

எம்ஐ நியூ யார்க் அணி 4 ஆட்டங்களில் விளையாடி 2 இல் வெற்றி பெற்றுள்ளது. 2 இல் தோல்வி அடைந்திருக்கிறது. தற்போது புள்ளிப் பட்டியலில் 3வது இடத்தில் உள்ளது.

லாஸ் ஏஞ்சலிஸ் நைட் ரைடர்ஸ் அணியை முதலில் வீழ்த்தியது. நாளை சியாட்டில் அணியை எம்ஐ எதிர்கொள்கிறது.

புள்ளிப் பட்டியலில் சியாட்டில் ஆர்காஸ் 6 பாயிண்ட்டுகளுடன் முதலிடத்தில் உள்ளது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9