PKL 2023: கம்பேக் கொடுத்த யுபி யோத்தாஸ்! ஹரியானாவை வீழ்த்தி முதல் வெற்றி

புரோ கபடி லீக் சீசன் 10 தொடரின் ஐந்தாம் நாளான இன்று இரண்டாவது போட்டி யுபி யோத்தாஸ் - ஹரியானா ஸ்டீலர்ஸ் அணிகளுக்கு இடையே நடைபெற்றது. அகமதாபாத்திலுள்ள ஈகேஏ அரேனா ஸ்டேடியத்தில் நடந்த இந்தப் போட்டியில் ஹரியானா ஸ்டீலர்ஸ் அணி இந்த சீசனின் முதல் போட்டியில் களமிறங்கியது.

ஏற்கனவே விளையாடி முதல் போட்டியில் தோல்வியை தழுவிய யுபி யோத்தஸ் அணி, தனது இரண்டாவது போட்டியான இன்று ஹரியானா அணிக்கு எதிராக சிறப்பான ஆட்டத்தை வெளிப்படுத்தியது. போட்டி முடிவில் 57-27 என்ற புள்ளிக்கணக்கில் வெற்றி பெற்றது. 30 புள்ளிகள் வித்தியாசத்தில் இந்த சீசனின் முதல் வெற்றியை பதிவு செய்த யுபி யோத்தாஸ் அணி, 6 புள்ளிகளுடன் புள்ளிப்பட்டியலில் இரண்டாவது இடத்துக்கு முன்னேறியது.

இந்தப் போட்டியில் யுபி யோத்தாஸ் அணி 25 ரெய்ட் புள்ளிகள், 20 டேக்கில் புள்ளிகள், 8 ஆல்அவுட் புள்ளிகள், 4 எக்ஸ்ட்ரா புள்ளிகளை பெற்றன.

ஹரியானா அணி 15 ரெய்ட் புள்ளிகள், 12 டேக்கிள் பாயிண்ட் மட்டுமே எடுத்தது. சூப்பர் ரெய்ட், ஆல்அவுட் மற்றும் எக்ஸ்ட்ரா புள்ளி எதுவும் எடுக்கவில்லை.

யுபி யோத்தாஸ் வீரர் சுரேந்தர் கில் 10 ரெய்ட், 3 போனஸ் உள்பட 13 புள்ளிகளை பெற்று அதிக புள்ளிகளை பெற்ற வீரராக உள்ளார். ஹரியானா முதல் போட்டியில் 30 புள்ளிகள் வித்தியாசத்தில் மோசமான தோல்வியை தழுவியிருப்பதால் புள்ளிப்பட்டியலில் கடைசி இடத்தை பிடித்துள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9