PKL 2023: பாட்னா பைரேட்ஸ் அணியை வீழ்த்தி யு மும்பா! 100வது வெற்றி பெற்று சாதனை

புரோ கபடி லீக் 2023 தொடர் ஒரு நாள் இடைவெளிக்கு பிறகு இன்று மீண்டும் நடைபெற்றது. அகமதாபாத், பெங்களுரு நகரங்களுக்கு அடுத்தபடியாக தற்போது புனேவில் உள்ள பலேவாடி ஸ்போர்ட்ஸ் காம்பிளக்ஸ் மைதானத்தில் நடைபெறுகிறது. இதையடுத்து இன்று நடைபெற்ற முதல் போட்டியில் யு மும்பா - பாட்னா பைரேட் அணிகள் மோதின. இரு அணிகளும் சிறப்பான ஆட்டத்தை வெளிப்படுத்திய போதிலும், முழு ஆட்ட நேர முடிவில் 42-40 என்ற புள்ளி கணக்கில் யு மும்பா வெற்றி பெற்றது.

இதன் மூலம் தொடரின் இரண்டாவது வெற்றியை யு மும்பா அணி பதிவு செய்தது. புரோ கபடி லீக் போட்டிகளில் யு மும்பா பெறும் 100வது வெற்றியாக இது அமைந்துள்ளது. இந்த தொடரில் 100வது வெற்றியை அடைந்த முதல் அணி என்ற சாதனையும் யு மும்பா அணி படைத்துள்ளது.  எனவே யு மும்பா அணிக்கு இந்த வெற்றி வரலாற்று சிறப்பு வாய்ந்ததாக அமைந்துள்ளது.

இன்றைய போட்டியில் யு மும்பா அணி 31 ரெயிட் புள்ளிகளை பெற்றது. 6 டேக்கிள், 2 ஆல்அவுட், 3 எக்ஸ்ட்ரா புள்ளிகளை பெற்றுள்ளது. ஒரு சூப்பர் ரெயிட் புள்ளியையும் பெற்றது.

பாட்னா பைரேட்ஸ் அணி 27 ரெயிட், 9 டேக்கிள், 2 ஆல்அவுட், 2 எக்ஸ்ட்ரா புள்ளிகளை பெற்றது. சூப்பர் ரெயிட் புள்ளிகள் எதுவும் பெறவில்லை.

யு மும்பா அணி வீரர் அமீர்முகமது ஜஃபர்தானேஷ் சிறப்பான ஆட்டத்தை வெளிப்படுத்தினார். இவர் 10 ரெயிட், 3 போனஸ் என 13 புள்ளிகளை பெற்று டாப் வீரராக உள்ளார்.

யு மும்பா, பாட்னா பைரேட்ஸ் என இரு அணிகளும் 4 போட்டிகள் விளையாடி 2 வெற்றி, 2 தோல்விகளை பெற்றுள்ளது. அதேபோல் இரண்டு அணிகளும் 11 புள்ளிகளுடன் புள்ளிப்பட்டியலில் அடுத்தடுத்த இடத்தில் உள்ளன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9