PKL 2023: தரமான கம்பேக்! தெலுங்கு டைட்டன்ஸுக்கு எதிராக தூள் வெற்றி பெற்ற தமிழ் தலைவாஸ்

புரோ கபடி லீக் 2023 தொடரின் 12வது நாளான இன்று நடைபெற்ற முதல் போட்டியில் தமிழ் தலைவாஸ் - தெலுங்கு டைட்ன்ஸ் அணிகள் மோதின. இரு அணிகளும் சிறப்பான ஆட்டத்தை வெளிப்படுத்தி வந்தது. முழு ஆட்ட நேர முடிவில் 38-36 என்ற புள்ளி கணக்கில் தமிழ் தலைவாஸ் அணி த்ரில் வெற்றி பெற்றது.

இந்த வெற்றியின் மூலம் தமிழ் தலைவாஸ் அணி தொடரின் இரண்டாவது வெற்றியை பதிவு செய்ததுடன், கடந்த போட்டியில் பெங்கால் வாரியர்ஸ் அணிக்கு எதிராக பெற்ற தோல்வியில் இருந்து கம்பேக் கொடுத்துள்ளது.

இன்றைய போட்டியில் தமிழ் தலைவாஸ் அணி 21 ரெயிட் புள்ளிகள், 12 டேக்கிள், 4 ஆல்அவுட், ஒரு எக்ஸ்ட்ரா புள்ளிகளை பெற்றுள்ளது.

தெலுங்கு டைட்டன்ஸ் அணி 23 ரெயிட், 12 டேக்கிள் புள்ளிகள், ஒரு எக்ஸ்ட்ரா புள்ளிகளை பெற்றுள்ளது. ஆல்அவுட் புள்ளிகள் ஏதும் பெறவில்லை.

தமிழ் தலைவாஸ் அணி வீரர் நரேந்தர் ஹோஷியார் 7 ரெயிட், 1 டேக்கிள், 2 போனஸ் என 10 புள்ளிகளை பெற்று டாப் வீரராக ஜொலித்தார்.

விளையாடிய 3 போட்டிகளில் 2 வெற்றி, ஒரு தோல்வியுடன் புள்ளிப்பட்டியலில் 10 புள்ளிகளை பெற்று 6வது இடத்தில் உள்ளது.

விளையாடிய 4 போட்டிகளிலும் தோல்வியை தழுவி வெற்றிக்கான பாதையை தேடி வரும் தெலுங்கு டைட்டன்ஸ் கடைசி இடத்தில் உள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9