PKL 2023: யு மும்பா அணியை வீழ்த்திய புனேரி பல்தான்! புள்ளிப்பட்டியலில் மூன்றாவது இடத்துக்கு முன்னேற்றம்

புரோ கபடி லீக் தொடரில் இன்று நடைபெற்ற இரண்டாவது போட்டியில் புனேரி பல்தான் - யு மும்பா அணிகள் மோதின. இந்த போட்டி பெங்களுருவில் உள்ள ஸ்ரீ கண்டீரவா ஸ்டேடியத்தில் நடைபெற்றது.

இதையடுத்து ஆட்டத்தின் தொடக்கத்தில் இருந்த சிறப்பானதொரு ஆட்டத்தை வெளிப்படுத்தி வந்தது புனேரி பல்தான். இதன் விளைவாக அணியின் புள்ளிகளும் மளமளவென உயர்ந்தன. ஆட்டத்தின் முழு நேர முடிவில் புனேரி பல்தான் அணி 43-32 கணக்கில் யு மும்பை அணியை வீழ்த்தியது.

புனேரி பல்தான் அணி 18 ரெயிட், 1 சூப்பர் ரெயிட், 16 டேக்கிள், 4 ஆல்அவுட், 5 எக்ஸ்ட்ரா புள்ளிகளை பெற்றது.

யு மும்பா அணி 22 ரெயிட், 1 சூப்பர் ரெயிட், 7 டேக்கிள், 2 ஆல்அவுட், 1 எக்ஸ்ட்ரா புள்ளிகளை பெற்றது. இரு அணிகளும் ஆட்டத்தின் அனைத்து நிலைகளிலும் புள்ளிகளை பெற்றன.

புனேரி பல்தான் வீரர் மோஹித் கோயத் 6 ரெயிட், 2 டேக்கிள், 4 போனஸ் என 12 புள்ளிகளை பெற்று இன்றைய போட்டியில் டாப் வீரராக இருக்கிறார்.

இந்த வெற்றியால் விளையாடிய இரண்டு போட்டிகளிலும் வென்று புள்ளிப்பட்டியலில் 3வது இடத்தில் உள்ளது. யு மும்பா அணி 3 போட்டிகளில் 1 வெற்றி இரண்டு தோல்விகளுடன் 6வது இடத்தில் உள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9