PKL 2023: த்ரில் போட்டியில் பாட்னா வெற்றி! குஜராத்துக்கு முதல் தோல்வி

புரோ கபடி லீக் 2023 தொடரின் ஆறாவது நாளான இன்று நடைபெற்ற முதல் போட்டியில் குஜராத் ஜெயிண்ட்ஸ் - பாட்னா பைரேட்ஸ் அணிகள் மோதின. இரு அணிகளும் போட்டி போடும் விதமான ஆட்டத்தை வெளிப்படுத்திய நிலையிலில் 33-30 புள்ளிக்கணக்கில் பாட்னா பைரேட்ஸ் அணி வெற்றி பெற்றது.

இது பட்னா அணிக்கு இரண்டாவது வெற்றியாக அமைந்திருப்பதுடன், 6 புள்ளிகளுடன் புள்ளிப்பட்டியலில் நான்காவது இடத்தை பிடித்துள்ளது. குஜராத் அணிக்கு முதல் தோல்வியாக இந்த போட்டி அமைந்துள்ளது. இருப்பினும் விளையாடிய 4 போட்டிகளில் 3 வெற்றியுடன் 16 புள்ளிகளை பெற்று தொடர்ந்து முதல் இடத்தில் உள்ளது.

இன்றைய போட்டியில் பாட்னா பைரேட்ஸ் அணி 14 ரெயிட் புள்ளிகள், 12 டேக்கிள், 4 ஆல்அவுட், 3 எக்ஸ்ட்ரா புள்ளிகளை பெற்றுள்ளது. குஜராத் அணி 17 ரெயிட், 10 டேக்கிள், 2 ஆல்அவுட், ஒரு எக்ஸ்ட்ரா புள்ளிகளை பெற்றுள்ளது.

குஜராத் ஜெயிண்ட்ஸ் வீரர் ராகேஷ் சன்குரேயா 8 ரெயிட், 3 பேனஸ் என 11 புள்ளிகள் பெற்று அதிக பாயிண்ட்களை பெற்ற வீரராக உள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9