PKL 2023: அசத்தல் ஆட்டம்! தபாங் டெல்லி முதல் வெற்றி - ஹாட்ரிக் தோல்வியை தழுவிய பெங்களரு புல்ஸ்
Dec 08, 2023, 11:29 PM IST
Share
உள்ளூரில் விளையாடும் சாதகமான சூழ்நிலை இருந்தபோதிலும் அதை தவறவிட்ட பெங்களுரு புல்ஸ் ஹாட்ரிக் தோல்வியை தழுவியுள்ளது. தபாங் டெல்லி அணி முதல் வெற்றியை பதிவு செய்துள்ளது.
புரோ கபடி லீக் தொடரில் இன்று நடைபெற்ற முதல் போட்டியில் பெங்களுரு புல்ஸ் - தபாங் டெல்லி அணிகள் மோதின. இந்த போட்டி பெங்களுருவில் உள்ள ஸ்ரீ கண்டீரவா ஸ்டேடியத்தில் நடைபெற்றது. இந்த சீசனில் இரண்டாவது மைதானத்தில் இந்த போட்டியானது நடைபெற்றது
உள்ளூர் அணியாக களமிறங்கிய பெங்களுரு புல்ஸ் ஆதிக்கம் செலுத்த முடியாமல் திணறியது. இரண்டு அணிகளும் மாறி மாறி புள்ளிகளை பெற்று வந்த நிலையில், இறுதியாக தபாங் டெல்லி 38-31 என்ற கணக்கில் வெற்றி பெற்றது.
தபாங் டெல்லி அணி 23 ரெயிட், 11 டேக்கிள், 4 ஆல்அவுட் புள்ளிகளை பெற்றது. இரு அணிகளும் சூப்பர் ரெயிட், எக்ஸ்ட்ரா புள்ளிகள் பெறவில்லை. பெங்களுரு அணி 21 ரெயிட், 7 டேக்கிள், 2 ஆல்அவுட் புள்ளிகளை பெற்றது. அத்துடன் எக்ஸ்ட்ரா மற்றும் சூப்பர் ரெயிடில் தலா ஒரு புள்ளிகளை பெற்றுள்ளது.
தபாங் டெல்லி வீரர் நவீன் குமார் 7 ரெயிட், 1 டேக்கிள், 5 போனஸ் என 13 புள்ளிகளை பெற்று இன்றைய போட்டியில் டாப் வீரராக இருக்கிறார்.
உள்ளூரில் விளையாடும் சாதகம் இருந்தபோதிலும் பெங்களுர் அணி வாய்பபை தவறவிட்டது. விளையாடிய 3 போட்டிகளிலும் தோல்வியை தழுவி வெற்றி கணக்கை தொடங்காமலேயே உள்ளது.
தபாங் டெல்லி 2 போட்டிகளில் முதல் வெற்றியை ருசித்து, புள்ளிப்பட்டியலில் 8வது இடத்தில் உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்