PKL 2023: முதல் வெற்றியை பெற்ற டெல்லி! ஐந்து தொடர் தோல்விகளுடன் தவிக்கும் தெலுங்கு டைட்டன்ஸ்

புரோ கபடி லீக் 2023 தொடர் புனேவில் உள்ள பலேவாடி ஸ்போர்ட்ஸ் காம்பிளக்ஸ் மைதானத்தில் நடைபெறுகிறது. இதில் இன்று நடைபெற்ற முதல் போட்டியில் புனேரி பல்தான் அணி பெங்கால் வாரியர்ஸ் 30 புள்ளிகள் வித்தியாசத்தில் வீழ்த்தி மிகப் பெரியா வெற்றியை பெற்றது

இதன் பின்னர் நடைபெற்ற இரண்டாவது போட்டியில் தெலுங்கு டைட்டன்ஸ் - தபாங் டெல்லி அணிகள் மோதின. பரபரப்பான இந்த போட்டியில், முழு ஆட்ட நேர முடிவில் 51-40 என்ற புள்ளி கணக்கில் தபாங் டெல்லி அணி, தெலுங்கு டைட்டன்ஸ் அணியை வீழ்த்தியது.

5 போட்டிகள் விளையாடி ஒரு வெற்றியை கூட பெறாத அணியாக தெலுங்கு டைட்டன்ஸ் உள்ளது. இன்றைய போட்டியில் தெலுங்கு டைட்டன்ஸ் அணி 26 ரெயிட், 7 டேக்கிள், 4 ஆல்அவுட், 3 எக்ஸ்ட்ரா புள்ளிகளை பெற்றுள்ளது. சூப்பர் ரெயிட் புள்ளி எதுவும் பெறவில்லை.

தபாங் டெல்லி அணி 31 ரெயிட், 12 டேக்கிள், 6 ஆல்அவுட், 2 எக்ஸ்ட்ரா புள்ளிகளை பெற்றது. ஒரு சூப்பர் ரெயிட் புள்ளிகளையும் பெற்றது.

தபாங் டெல்லி வீரர் அசு மாலிக் 10 ரெயிட், 1 டேக்கிள், 5 போனஸ் என 16 புள்ளிகளை பெற்று டாப் வீரராக உள்ளார்.

இரண்டு தொடர் தோல்விகளை சந்தித்த டெல்லி, தொடரின் முதல் வெற்றியை பதிவு செய்ததது. தற்போதைய நிலையில் தெலுங்கு டைட்டன்ஸ் கடைசி இடத்திலும், தபாங் டெல்லி அதற்கு முந்தைய இடத்திலும் உள்ளன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9