T20 World Cup: டி20 உலகக்கோப்பை; அரையிறுதியில் பாகிஸ்தான்!

உலகக்கோப்பை கிரிக்கெட் போட்டியில் வங்கதேச அணியை 5 விக்கெட் வித்தியாசத்தில் வீழ்த்தி பாகிஸ்தான் அணி வெற்றி பெற்று அரையிறுதி சுற்றுக்கு முன்னேறியுள்ளது.

டி20 உலகக்கோப்பை கிரிக்கெட் தொடர் ஆஸ்திரேலியாவில் நடைபெற்று வருகிறது. முதல் சுற்று போட்டிகள் நிறைவு பெற்ற நிலையில், சூப்பர் 12 சுற்று போட்டிகள் நடைபெற்று வருகின்றன.

அடிலெய்டில் நடைபெற்ற 41-வது ஆட்டத்தில் வங்கதேசத்தை பாகிஸ்தான் அணி எதிர்கொண்டது. இந்த போட்டியில் வெற்றி பெறும் அணி நேரடியாக அரை இறுதி சுற்றுக்கு முன்னேறும் தகுதி பெறும் என்பதால் இந்தப் போட்டி முக்கியமானதாக கருதப்பட்டது.

இதில் டாஸ் வென்று வங்கதேசம் முதலில் பேட்டிங் செய்தது. அந்த அணி நிர்ணயிக்கப்பட்ட 20 ஓவர்களுக்கு 8 விக்கெட்டுகளை பறிகொடுத்து 127 ரன்கள் மட்டுமே எடுத்ததது. அதிகபட்சமாக ஷண்டே 54 ரன்களும், ஹெசைன் 24 ரன்களும், செளமியா சர்கார் 20 ரன்களும் எடுத்தனர்.

இதனைத் தொடர்ந்து களமிறங்கிய பாகிஸ்தான் அணியின் தொடக்க வீரர்கள் பாபர் ஆஸம் மற்றும் ரிஸ்வான் பொறுப்பாக ஆடி 10 ஒவர்களில் 57 ரன்களை நிதானமாகச் சேர்த்தனர். பாபர் ஆஸம் 25 ரன்களில் வெளியேறினார். 

ரிஸ்வான் 32 பந்துகளில் 2 பவுண்டரி 1 சிக்சருடன் 32 ரன்கள் எடுத்து வீழ்ந்தார். பின்னர் வந்த ஹாரிஸ் சிறப்பாக விளையாடி 18 பந்துகளுக்கு 31 ரன்களை எடுத்து ஆட்டமிழந்தார். 18.1 ஓவர்களுக்கு 5 விக்கெட் இழப்பிற்கு பாகிஸ்தான் அணி 128 ரன்களை எடுத்து 5 விக்கெட்டுகள் வித்தியாசத்தில் வெற்றி பெற்றது. இந்த வெற்றியின் மூலம் பாகிஸ்தான் அணி அரையிறுதி சுற்றுக்கு முன்னேறியது.

முன்னதாக, இன்று நடைபெற்ற போட்டியில் தென் ஆப்பிரிக்கா அணி, நெதர்லாந்திடம் அதிர்ச்சித் தோல்வி அடைந்து டி20 உலகக் கோப்பை அரையிறுதி வாய்ப்பை நழுவ விட்டு வெளியேறியது, இதனையடுத்து இந்தியா அரையிறுதிக்கு முன்னேறியுள்ளது.