MS Dhoni: பிறந்தநாளில் செய்த விஷயம்! க்யூட் விடியோவை பகிர்ந்து ஹார்ட் எமோஜிகளை அள்ளும் தோனி
Jul 08, 2023, 10:43 PM IST
Share
அனைத்து சமூக வலைத்தளங்களிலும் இருந்தாலும், எப்போதாவது பதிவை பகிரும் எம்எஸ் தோனி அதன் மூலமும் கவனத்தை ஈர்த்து வருகிறார். அந்த வகையில் தற்போது தனது பிறந்தநாளில் செய்த விஷயத்தை க்யூட் விடியோ மூலம் ரசிகர்களுக்கு தெரிவித்துள்ளார் தோனி.
இந்திய கிரிக்கெட் அணியின் முன்னாள் கேப்டன், சிஎஸ்கே ரசிகர்களால் தல என்று அழைக்கப்படும் எம்எஸ் தோனிக்கு ஜூலை 7ஆம் தேதி 42வது பிறந்தநாள். இதையடுத்து கிரிக்கெட் பிரபலங்கள், தோனியின் அபிமானிகள், ரசிகர்கள் என பலரும் அவருக்கு வாழ்த்துகளை தெரிவித்தனர்.
டுவிட்டர், இன்ஸ்டாகிராம், பேஸ்புக் உள்ளிட்ட சமூக வலைத்தளங்களில்
தோனி இருந்தாலும், அடிக்கடி பதிவுகள் எதுவும் பகிராமல் அதை விட்டு ஒதுங்கியே இருப்பார். அப்படியே அவர் எதாவது பதிவுகள் பகிர்ந்தாலும் அது உலக அளவில் டிரெண்டாவது தொடர்கதையாகி வருகிறது.
இதையடுத்து தனது பிறந்தநாளுக்கு வாழ்த்து தெரிவித்தவர்களுக்கு இன்ஸ்டாவில் நன்றி தெரிவித்துள்ளார். வெறுமனே நன்றி என குறிப்பிடாமல் க்யூட் விடியோ ஒன்றையும் அவர் பகிர்ந்துள்ளார்.
அதில், தனது பிறந்தநாளை செல்லப்பிராணிகளுடன் கொண்டாடும் தோனி, கேக் வெட்டி தன்னை சுற்றி நிற்கும் நான்கு நாய்களுக்கு கேக்கை தூக்கி வீச ஒவ்வொரு நாய்களும் அதை லபக் லபக் என தோனியின் உத்தரவுக்கு ஏற்ப கேட்ச் பிடிக்கும் விதமாக க்யூட்டாக இந்த விடியோ அமைந்துள்ளது.
இதில், "வாழ்த்துகள் தெரிவித்த அனைவருக்கும் நன்றிகள். பிறந்தநாளில் என்ன செய்தேன் என்பதன் Glimpse" என குறிப்பிட்டுள்ளார். தோனியின் இந்த விடியோக்கு லைக்குகள் குவிவதுடன் பலரும் ஹார்ட் எமோஜிக்களால் நிரப்பியுள்ளனர்.
அத்துடன் தோனியின் இந்த க்யூட் விடியோ தற்போது சமூக வலைத்தளங்களில் வைரலாகியுள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்