FIFA World Cup Qualifier: முதல் பாதி வரை பெஞ்சில் அமரவைகப்பட்ட மெஸ்ஸி - பராகுவே அணியை வீழ்த்திய அர்ஜெண்டினா
Oct 13, 2023, 06:41 PM IST
Share
ஆட்டத்தின் மூன்றாவது நிமிடத்திலேயே அர்ஜெண்டினா வீரர் நிக்கோலஸ் ஓடமெண்டி முதல் கோல் அடித்தார். அதன் பின்னர் பல்வேறு முயற்சிகளை மேற்கொண்டும் அர்ஜெண்டினா, பாராகுவே என இரு அணிகளாலும் ஒரு கோல் கூட அடிக்க முடியவில்லை.
தென் அமெரிக்கா நாடுகளுக்கு இடையிலான உலகக் கோப்பை தகுதி சுற்று போட்டிகள் நடைபெற்ற வருகின்றன. இதில் நடப்பு உலக சாம்பியனான அர்ஜெண்டினா அமி பராகுவே அணியை வீழ்த்தி வெற்றி பெற்றுள்ளது. பரபரப்பாக நடைபெற்ற இந்தப் போட்டியில் அர்ஜெண்டினா 1-0 என்ற கோல் கணக்கில் வென்றது.
இரு அணிகளுக்கு இடையிலான ஆட்டம் தொடங்கிய மூன்றாவது நிமிடத்தில் அர்ஜெண்டினா வீரர் நிக்கோலஸ் ஓடமெண்டி முதல் கோல் அடித்து நல்ல தொடக்கத்தை அளித்தார். ஆனால் அந்த கோல் தான் அர்ஜெண்டினாவுக்கு கடைசி கோல் ஆகவும் அமைந்தது.
அர்ஜெண்டினா அணி கேப்டன் லியோனஸ் மெஸ்ஸி, இந்தப் போட்டியில் களமிறங்காமல் பெஞ்சில் அமர வைக்கப்பட்டார். இதனால் அட்டாக்கிங் வீரர்களாக ஜூலியன் அல்வாரெஸ் மற்றும் லாட்டாரோ மார்டினெஸ் ஆகியோர் விளையாடினர். இருப்பினும் அர்ஜெண்டினாவின் டிபெண்டரான ஓடமெண்டி கோல் அடித்துள்ளார்.
ஆட்டத்தின் 53வது நிமிடத்தில் மெஸ்ஸி களமிறங்கிய போதிலும், அவர் கோல் எதுவும் அடிக்கவில்லை. அர்ஜெண்டினா முதல் கோல் அடித்த பின்னர் இரு அணிகளும் பல்வேறு முயற்சிகளை மேற்கொண்ட போதிலும் அடுத்த கோல் அடிக்கப்படவே இல்லை.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்