Asian Kabaddi Championship: 'கபடி கபடி..' ஜப்பானை வீழ்த்தி இந்தியா ஹாட்ரிக் வெற்றி!

தென் கொரியாவில் நடந்துவரும் ஆசிய கபடி சாம்பியன்ஷிப் போட்டியில் இந்திய அணி தொடர்ச்சியாக 3வது வெற்றியைப் பெற்று வீறுநடை போட்டு வருகிறது.

இன்றைய தினம் ஜப்பான் அணி 62-18 என்ற புள்ளிக் கணக்கில் வீழ்த்தி வெற்றி கண்டது.

ஆசிய கபடி சாம்பியன்ஷிப் போட்டி நேற்று தான் தொடங்கியது. முதல் நாளே 2 போட்டிகளில் இந்தியா வெற்றி பெற்றது. தமிழக மண்ணுடன் அதிகம் தொடர்புடையது கபடி விளையாட்டு. இது இந்திய அளவிலும் உலக அளவிலும் அதிக கவனத்தை ஈர்த்து வருகிறது.

ஆசிய கபடி சாம்பியன்ஷிப் போட்டிகள் தற்போது நடைபெற்று வருகிறது. இந்தப் போட்டியின் முதல் ஆட்டத்தில் சைனீஸ் தைபேவும் ஈரானும் மோதின. இதில் ஈரான் வெற்றி பெற்றது. ஈரான் 52-28 என்ற புள்ளிக் கணக்கிலை வாகை சூடியது.

இதையடுத்து, தனது முதல் போட்டியில் தென் கொரியாவை சந்தித்தது இந்தியா.

பரபரப்பாக நடந்த முதல் போட்டியில் இந்தியா 76-13 என்ற புள்ளிக் கணக்கில் அசத்தலாக வெற்றி பெற்றது. அதைத் தொடர்ந்து ஜப்பான், ஹாங் காங் அணிகளுக்கு இடையே நடந்த போட்டியில் ஜப்பான் 85-11 என்ற கணக்கில் வெற்றி கண்டது. பின்னர் நேற்று மதியம் 12.30 மணிக்கு சைனீஸ் தைபே-இந்தியா அணிகள் மோதின. இந்தியா முதல் நாளிலேயே 2 ஆட்டங்களில் விளையாடியது.

இந்த ஆட்டத்திலும் அபாரமாக செயல்பட்ட இந்தியா 53-19 என்ற புள்ளிக் கணக்கில் வெற்றி பெற்றது. இவ்வாறாக இந்தியா 2 போட்டிகளில் வென்று 4 புள்ளிகளுடன் புள்ளி அட்டவணையில் முதலிடத்தில் கம்பீரமாக இருந்தது.

இந்நிலையில், இன்று 11.30 மணியளவில் ஜப்பானை எதிர்கொண்டது. பரபரப்பாக நகர்ந்த நிமிடங்களில் இந்தியாவே ஆரம்பம் முதலே லீடிங்கில் இருந்தது. இறுதியில் 62-17 என்ற புள்ளிக் கணக்கில் இந்தியா வாகை சூடியது.

முன்னதாக, இன்றைய தினம் காலை 6.30 மணிக்கு ஹாங்காங்-ஈரான் ஆகிய அணிகள் மோதின. அதில் ஈரான் 60-31 என்ற கணக்கில் ஜெயித்தது.

தென்கொரியா-ஜப்பான் மோதிய மற்றொரு ஆட்டத்தில் ஜப்பான் 45-18 என்ற புள்ளிக் கணக்கில் வெற்றி கண்டது.

சைனீஸ் தைபே-ஹாங் அணிகள் மோதிய மற்றொரு கேமில் சைனீஸ் தைபே 117-12 என்ற புள்ளிக் கணக்கில் அசத்தல் வெற்றி பெற்றது.

மதியம் 12.30 மணிக்கு நடந்த மற்றொரு ஆட்டத்தில் தென்கொரியாவும் ஈரானும் விளையாடின.

இதில், ஈரான் 72-17 என்ற புள்ளிக் கணக்கில் மீண்டும் வெற்றி கண்டது.

புள்ளிப் பட்டியலில் தற்போதைய நிலவரப்படி, இந்தியா 3 கேம்களிலும் வெற்றி பெற்று 6 புள்ளிகளுடன் முதலிடத்தில் நீடிக்கிறது.

ஈரானும் தொடர்ச்சியாக 3 வெற்றிகளை ருசித்துள்ளது. ஆனால், பாயிண்டுகள் வித்தியாசத்தில் இந்தியாவைக் காட்டிலும் பின்தங்கியிருப்பதால் அந்த அணி 2வது இடத்தில் இருக்கிறது.

அடுத்த இடத்தில் ஜப்பான், சைனீஸ் தைபே, தென்கொரியா, ஹாங்காங் ஆகிய அணிகள் இடம்பிடித்துள்ளன.

ஜூன் 30 வரை நான்கு நாள்கள் இந்த போட்டிகள் நடைபெறுகின்றன. இந்த போட்டியை 11th Asian Men's Kabaddi Championship என்ற யூடியூப் பக்கத்தில் நேரலையாக கண்டு ரசிக்கலாம்.

இதுவரை நடைபெற்று முடிந்திருக்கும் 10 தொடர்களில் இந்திய அணி 7 முறை தங்கம் வென்று, வெற்றிகரமான அணியாக வலம் வருகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9