Hockey India: ஆசிய சாம்பியன்ஸ் டிராபி-18 பேர் கொண்ட இந்திய ஆடவர் ஹாக்கி அணி அறிவிப்பு

சென்னையில் நடைபெறவுள்ள ஆசிய சாம்பியன்ஸ் டிராபி 2023 தொடரில் பங்கேற்கும் 18 பேர் கொண்ட ஆடவர் ஹாக்கி அணியை ஹாக்கி இந்தியா திங்கள்கிழமை அறிவித்தது.

இது ஆகஸ்ட் 3 முதல் 12 வரை சென்னை மேயர் ராதாகிருஷ்ணன் ஸ்டேடியத்தில் நடைபெறவுள்ளது.

இந்தப் போட்டியில் கொரியா, மலேசியா, பாகிஸ்தான், ஜப்பான், சீனா ஆகிய அணிகளை இந்தியா எதிர்கொள்கிறது.

இந்த அணியை பிரபல டிராக் ஃபிளிக்கரும் டிஃபென்டருமான ஹர்மன்பிரீத் சிங் மற்றும் துணை கேப்டனாக சிறந்த மிட்ஃபீல்டர் ஹர்திக் சிங் ஆகியோர் வழிநடத்துவார்கள் என அறிவிக்கப்பட்டுள்ளது.

பி.ஆர்.ஸ்ரீஜேஷ் மற்றும் கிருஷன் பகதூர் பதக் ஆகியோர் அணியின் நியமிக்கப்பட்ட கோல்கீப்பர்களாகவும், ஜர்மன்பிரீத் சிங், சுமித், ஜுக்ராஜ் சிங், ஹர்மன்பிரீத் சிங், வருண் குமார் மற்றும் அமித் ரோஹிதாஸ் ஆகியோர் டிஃபென்டர்களாகவும் நியமிக்கப்பட்டுள்ளனர்.

ஹர்திக் சிங், விவேக் சாகர் பிரசாத், ஷம்ஷேர் சிங் மற்றும் நீலகண்ட சர்மா ஆகியோர் மிட்ஃபீல்டை வழிநடத்துவார்கள். மேலும், புரோ லீக்கின் ஐரோப்பிய கட்டத்தில் டிஃபென்டராக பட்டியலிடப்பட்ட மன்பிரீத் சிங் மிட்ஃபீல்டுக்கு திரும்புவார்.

ஆகாஷ்தீப் சிங், மந்தீப் சிங், குர்ஜந்த் சிங், சுக்ஜீத் சிங், எஸ்.கார்த்தி ஆகியோர் ஃபார்வர்டு வரிசையில் இருந்தனர். இந்த முன்கள வீரர்கள் முக்கியமான கோல்களை அடிக்கவும், கோல் வாய்ப்புகளை உருவாக்கவும், எதிரணியின் மீது இடைவிடாத அழுத்தத்தை பிரயோகிக்கவும் வல்லவர்கள்.

அணி தேர்வு குறித்து பேசிய தலைமை பயிற்சியாளர் கிரெய்க் ஃபுல்டன், "ஆசிய சாம்பியன்ஸ் டிராபியில் கணித்து விளையாடும் திறன் கொண்ட அணியை நாங்கள் கவனமாக தேர்வு செய்துள்ளோம். சென்னையில் நடைபெற உள்ள ஆசிய சாம்பியன்ஸ் டிராபி தொடருக்கான இந்திய ஆடவர் அணியில் இளமையும், அனுபவமும் கலந்துள்ளது.

ஸ்பெயினில் நாளை 100-வது ஆண்டு ஸ்பானிஷ் ஹாக்கி சம்மேளனம்- சர்வதேச போட்டி தொடங்குகிறது, இந்த போட்டிக்கு பிறகு ஆசிய சாம்பியன்ஸ் டிராபி சென்னை 2023 இல் சொந்த மண்ணில் விளையாட நேரடியாக சென்னை செல்கிறோம். தேர்வு செய்யப்பட்ட வீரர்கள் இந்த வாய்ப்பில் உற்சாகமாக உள்ளனர் மற்றும் தங்கள் உணர்ச்சிகரமான உள்ளூர் ரசிகர்கள் முன் விளையாட ஆவலுடன் உள்ளனர்" என்றார்.