Archery: பாரிஸ் ஒலிம்பிக்கில் முதல் ஆளாக தகுதி பெற்ற வில்வித்தை வீரர் தீரஜ் பொம்மதேவாரா

இந்த வெற்றியால் 2024ஆம் ஆண்டு பாரிஸ் ஒலிம்பிக்கில் ஆண்களுக்கான வில்வித்தை போட்டியில் பங்கேற்பதற்கு தனது இடத்தை உறுதி செய்துள்ளார்.

பங்காக்கில் நடைபெற்ற வில்வித்தை கான்டினென்டல் தொடரின் அரையிறுதியில் ஈரான் வீரர் முகமதுதோசைன் கோல்ஷானி அஸ்லை 6-0 என்ற கணக்கில் வீழ்த்தினார் இந்தியாவின் தீரஜ் பொம்மதேவாரா. இதைத்தொடர்ந்து இறுதிப்போட்டியில் சீன தைபேயின் லின் ஜிஹ்-சியாங்கிடம் 6-5 (10-9) என்ற கணக்கில் ஷூட்-ஆஃப் மூலம் தோல்வியடைந்தார் தீரஜ் பொம்மதேவாரா. இதனால் அவர் வெள்ளிப்பதக்கத்தை வென்றார்.

இந்த தொடரில் பங்கேற்ற மற்ற இந்தியர்களான தருண்தீப் ராய் மற்றும் அங்கிதா பகத் ஆகியோர் அரையிறுதிக்கு கூட தகுதி பெறாமல் வெளியேறினர்.

ஒலிம்பிக் தகுதி முறையின்படி, தனிநபர் மேட்ச்-ப்ளே போட்டிகளின் இறுதி நிலைகளின் அடிப்படையில் ஒரு பாலினத்தை சேர்ந்தவர்களுக்கு இரண்டு இடங்கள் வழங்கப்படும்

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன: 

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9