Davis Cup Tennis: டேவிஸ் கோப்பை டென்னிஸில் கிரேட் பிரிட்டனை எதிர்கொள்கிறது ஜோகோவிச்சின் செர்பியா

தரவரிசையில் முதலிடத்தில் உள்ள ஜோகோவிச், டேவிஸ் கோப்பை டென்னிஸ் போட்டியில் தனது அணியை வெற்றிப் பாதைக்கு அழைத்துச் செல்ல ஆர்வத்துடன் காத்திருக்கிறார்.

புகழ்பெற்ற டேவிஸ் கோப்பை டென்னிஸ் போட்டி காலிறுதியில் செர்பியா அணி-கிரேட் பிரிட்டன் அணியை இன்று எதிர்கொள்கிறது.

செர்பியா அணியை இந்த ஆண்டு 3 முறை கிராண்ட்ஸ்லாம் பட்டம் வென்றவரான அந்நாட்டு வீரர் ஜோகோவிச் வழிநடத்தவுள்ளார்.

இதுகுறித்து ஜோகோவிச் கூறியதாவது:

இது சீசனின் கடைசி வாரம், எனவே ஒவ்வொரு வீரரிடமும் உத்வேகம் இருக்க வேண்டியது அவசியம், மேலும் நான் சில வெற்றிகளை தொடர்ந்து டென்னிஸில் பெற்று வருகிறேன், குறிப்பாக கடந்த நான்கு சில குறிப்பிடத்தக்க வெற்றிகளைப் பெற்று உற்சாகத்தில் இருக்கிறேன்.

ஏடிபி பைனல்ஸ் போட்டியில் அரையிறுதியில் நான் விளையாடிய விதம் என்னால் மறக்க முடியாத ஒன்றாக இருக்கும். அதே உத்வேகத்தையும் உற்சாகத்தையும் கொண்டு இன்றைய காலிறுதியில் கிரேட்டன் பிரிட்டன் அணிக்கு எதிராக சிறப்பாக பங்களிப்பை செய்ய முயற்சிப்பேன்.

ஏடிபி பைனல் முடிந்த ஒரு நாள் தான் ஓய்வு கிடைத்தது. உடனடியாக பயிற்சியை மீண்டும் தொடங்கிவிட்டேன். இந்த டேவிஸ் கோப்பை தொடரிலும் அசத்துவேன் என நம்புகிறேன் என்றார் ஜோகோவிச்.

டேவிஸ் கோப்பை டென்னிஸ் போட்டி இம்முறை ஸ்பெயினில் நடைபெறுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.