TNPL 2023: கில்லீஸா, பேந்தர்ஸா.. இன்றைய ஆட்டத்தில் ஜெயிக்கப் போகும் அணி எது?
Jun 26, 2023, 06:10 AM IST
Share
TNPL 2023: சேலத்தை மட்டும் மதுரை வீழ்த்தியிருக்கிறது. இன்னும் 4 ஆட்டங்கள் மதுரைக்கு காத்திருக்கிறது.
டிஎன்பிஎல் கிரிக்கெட்டில் இன்று 18வது லீக் ஆட்டம் சேலத்தில் நடைபெறவுள்ளது. இந்த ஆட்டம் இரவு 7.15 மணிக்கு தொடங்குகிறது.
சேப்பாக் சூப்பர் கில்லீஸ், மதுரை பேந்தர்ஸ் ஆகிய அணிகள் இன்றைய ஆட்டத்தில் மோதுகின்றன.
சேப்பாக் சூப்பர் கில்லீஸ் அணி இதுவரை 5 ஆட்டங்களில் விளையாடி 3 இல் தோல்வி அடைந்திருக்கிறது.4 புள்ளிகளுடன் அந்த அணி உள்ளது.
மதுரை பேந்தர்ஸ் அணி 3 ஆட்டங்களில் விளையாடி 1 இல் வெற்றியும் 2 ஆட்டங்களில் தோல்வியும் அடைந்திருக்கிறது.
சேப்பாக் சூப்பர் கில்லீஸ் முதல் இரண்டு ஆட்டங்களில் சிறப்பாக விளையாடி ஜெயித்தது.
ஆனால், அடுத்தடுத்த ஆட்டங்களில் தோல்வி அடைந்தது.
நெல்லை, திண்டுக்கல், லைக்கா கோவை ஆகிய அணிகளுடன் அந்த அணி தோல்வி கண்டது. தொடர் தோல்விகளுக்கு முற்றுப் புள்ளி வைக்குமா என்பதை பொறுத்திருந்துதான் பார்க்க வேண்டும்.
இன்னும், 2 ஆட்டங்கள் மட்டுமே சேப்பாக் சூப்பர் கில்லீஸுக்கு இருக்கிறது. இன்றைய ஆட்டமும், வரும் ஞாயிற்றுக்கிழமை நடக்கும் திருச்சிக்கு எதிரான ஆட்டமும் தான் உள்ளது.
மதுரை பேந்தர்ஸ் அணியை பொறுத்தவரை ஒரே ஒரு ஆட்டத்தில் மட்டுமே ஜெயித்திருக்கிறது. நெல்லை, திண்டுக்கல் ஆகிய அணிகளிடம் மதுரை அணி தோல்வி கண்டுள்ளது.
சேலத்தை மட்டும் மதுரை வீழ்த்தியிருக்கிறது. இன்னும் 4 ஆட்டங்கள் மதுரைக்கு காத்திருக்கிறது. பலம் வாய்ந்த இரு அணிகளும் மோதுவதால் இந்த ஆட்டத்தில் பரபரப்புக்கு பஞ்சம் இருக்காது.
தமிழ்நாடு பிரீமியர் லீக் (Tamil Nadu Premier League) ஆண்டுதோறும் நடைபெறும் ஓர் உள்ளூர் கிரிக்கெட் போட்டி ஆகும்.
இந்தப் போட்டிகள் மூலம் பல இளம் வீரர்களின் திறமைகள் அடையாளம் காணப்படும் என்பதில் மாற்றுக் கருத்து இருக்க முடியாது.
2016-இல் தமிழ்நாடு கிரிக்கெட் சங்கத்தால் தொடங்கப்பட்ட இந்தப் போட்டி, இந்தியன் ப்ரீமியர் லீக் போட்டி போன்று தமிழக அளவில் நடைபெறும் கிரிக்கெட் தொடர் ஆகும். 7வது சீசன் போட்டி தற்போது நடைபெற்று வருகிறது.
இதுவரை லைக்கா கோவை கிங்ஸ் அணி, நெல்லை ராயல் கிங்ஸ், சேப்பாக் சூப்பர் கில்லீஸ், திண்டுக்கல் டிராகன்ஸ் ஆகிய அணிகள் வெற்றி பெற்றுள்ளன.
ஸ்டார் ஸ்போர்ட்ஸ் 1 சேனலில் இந்தப் போட்டியைக் கண்டு ரசிக்கலாம். நமது தமிழக வீரர்களுக்கு ஆதரவு தரலாம்.
Fancode செயலியிலும் இந்தத் தொடரை நேரலையில் கண்டு ரசிக்க முடியும். கடந்த முறை மிக பிரமாண்டமாக நடந்து முடிந்தது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்