BCCI: தென்ஆப்பரிக்காவுக்கு எதிராக அனைத்து வகை கிரிக்கெட்டிலும் விளையாடும் இந்தியா! எங்கே?எப்போது? - முழு விவரம்

பிசிசிஐ மற்றும் கிரிக்கெட் தென்ஆப்பரிக்கா இணைந்து இந்த சுற்றுப்பயணத்துக்கான முழு அட்டவணையை வெளியிட்டுள்ளது. அதன்படி வரும் டிசம்பர், ஜனவரி மாதம் தென்ஆப்பரிக்கா சுற்றுப்பயணம் மேற்கொள்ளும் இந்தியா 2 டெஸ்ட், 3 ஒரு நாள், 3 டி20 போட்டிகளில் விளையாடுகிறது.

முதலில் 3 போட்டிகள் கொண்ட டி20 தொடர் நடைபெறுகிறது. இதன் பின்னர் மூன்று போட்டிகள் கொண்ட ஒரு நாள் தொடரில் இரு அணிகளும் விளையாடுகிறது. பின்னர் 2 டெஸ்ட் போட்டிகள் கொண்ட காந்தி மண்டேலா கோப்பை நடக்கிறது.

இதில் முதல் டி20 போட்டி டிசம்பர் 10 டர்பனிலும், இரண்டாவது டி20 போட்டி டிசம்பர் 12ஆம் தேதி க்கெபெர்ஹாவிலும், மூன்றாவது போட்டி டிசம்பர் 14 ஜோகன்னஸ்பெர்கிலும் நடைபெறுகிறது.

இதைத்தொடர்ந்து டிசம்பர் 17 முதல் ஒருநாள் ஜோகன்னஸ்பெர்க், டிசம்பர் 19 இரண்டாவது ஒருநாள் க்கெபெர்ஹா, மூன்றாவது ஒரு நாள் டிசம்பர் 21 பார்ல் மைதானத்தில் நடைபெறவுள்ளது.

2023-25க்கான உலக டெஸ்ட் சாம்பியன்ஷிப் தொடரில் இடம்பெற்றிருக்கும் காந்தி - மண்டேலா டெஸ்ட் தொடர் பாக்ஸிங் டே டெஸ்ட் போட்டியாகவும், புத்தாண்டு டெஸ்ட் போட்டியாகவும் அமைந்துள்ளது.

முதல் டெஸ்ட் போட்டி டிசம்பர் 26 - 30 வரை சென்சுரியன் மைதானத்தில் நடைபெறுகிறது. இரண்டாவது டெஸ்ட் போட்டி ஜனவரி 3 முதல் 7 வரை கேப்டவுனில் நடைபெறும் என தெரிவிக்கப்பட்டுள்ளது.

இந்த தொடரில் நடைபெறும் டி20 போட்டிகள், அடுத்த ஆண்டு வெஸ்ட் இண்டீஸ் மண்ணில் நடைபெற இருக்கும் டி20 உலகக் கோப்பை தொடருக்கான பயிற்சியாக பார்க்கப்படும் என கூறப்படுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9