Afg vs Aus T20 world cup:ஆப்கானை வீழ்த்தி இலங்கை வெற்றிக்காக ஆஸி. காத்திருப்பு

பேட்டிங்குக்கு நன்கு ஒத்துழைத்து வரும் அடிலெய்டு மைதானத்தில் ஆப்கானிஸ்தானுக்கு எதிராக முதலில் பேட் செய்த ஆஸ்திரேலியா 20 ஓவரில் 168 ரன்கள் எடுத்தது. கேபடன் பின்ச் காயம் காரணமாக அணியில் இடம்பெறாத நிலையில் மாத்யூ வேட் கேப்டன் பொறுப்பை ஏற்றார்.

தொடர்ந்து சொதப்பி வந்த மேக்ஸ்வெல் முக்கியதுவம் வாய்ந்த இந்தப் போட்டியில் விஸ்வரூபம் எடுத்து 32 பந்துகளில் 54 ரன்கள் எடுத்து கடைசி வரை ஆட்டமிழக்காமல் இருந்தார். இவருக்கு அடுத்தபடியாக மிட்செல் மார்ஷ் 45, டேவிட் வார்னர் மற்றும் ஸ்டோய்னிஸ் ஆகியோர் 25 ரன்கள் எடுத்தனர்.

ஆப்கானிஸ்தான் பெளலர் நவீன் உல் ஹக் அற்புதமாக பந்து வீசி 21 ரன்கள் விட்டுக்கொடுத்து 3 விக்கெட்டுகளை எடுத்தார்.

அச்சுறுத்தும் ஆஸ்திரேலியா பெளலிங்குக்கு எதிராக 169 ரன்கள் இலக்கை விரட்டிய ஆப்கானிஸ்தான் பேட்ஸ்மேன்கள் சிறப்பாக சேஸ் செய்தனர். டாப் ஆர்டர் பேட்ஸ்மேன்களான குலபதீன் நயீப் 39, ரஹ்மனுல்ல குர்பாஸ் 30, இம்ராஹிம் ஸத்ரன் 26 என அணிக்க நல்ல தொடக்கத்தை அமைத்து கொடுத்தனர்.

இதன் பின்னர் மிடில் ஆர்டர் பேட்ஸ்மேன்கள் அடுத்தடுத்து தங்களது விக்கெட்டுகளை பறிகொடுக்க ஆட்டம் ஆஸ்திரேலியா பக்கம் திரும்பியது. அப்போது பேட் செய்ய வந்த பெளலிங் ஆல்ரவுண்டர் ரஷித் கான் தொடக்கம் முதலே அதிரடி காட்ட தொடங்கினார். இதனால் மறுபடியும் ஆப்கானிஸ்தான் பக்கம் வெற்றி வாய்ப்பு எட்டி பார்த்தது.

கடைசி ஓவரில் வெற்றிக்கு 22 ரன்கள் தேவை இருந்தபோது அந்த ஓவரில் ரஷித்கான் 17 ரன்கள் விளாசினார். இதனால் ஆஸ்திரேலியா 4 ரன்கள் வித்தியாசத்தில் வெற்றி பெற்றது.

தற்போது 7 புள்ளிகளுடன் ஆஸ்திரேலியா அணி குரூப் 1 பிரிவில் 2வது இடத்தில் இருந்தாலும் நெட் ரேட் அடிப்படையில் மூன்றாவது இடத்தில் 5 புள்ளிகளுடன் உள்ள இங்கிலாந்தை விட பின்தங்கியுள்ளது.

இன்று இங்கிலாந்து - இலங்கை இடையேயான போட்டி நடைபெறவுள்ளது. இந்தப் போட்டியில் இலங்கை வெற்றி பெற்றால் ஆஸ்திரேலியா அரையிறுதிக்கு தகுதி பெற்று விடும். ஆனால் இங்கிலாந்து வெற்றி பெற்றால் புள்ளிகள் அடிப்படையில் ஆஸ்திரேலியா, இங்கிலாந்து 7 என சமநிலையில் இருந்தாலும், ரன்ரேட் கணக்கின்படி இங்கிலாந்து அரையிறுதி வாய்ப்பை பெறும்.

எனவே இன்றைய போட்டியில் இங்கிலாந்து வெற்றி பெற்றால் அரையிறுதி வாய்ப்பை, மாறாக இலங்கை வெற்றி பெற்றால் நடப்பு சாம்பியனான ஆஸ்திரேலியா அரையிறுதியில் விளையாடும்.

அந்த வகையில் ஆஸ்திரேலியா வீரர்கள், ரசிகர்கள் இலங்கையின் வெற்றியை எதிர்நோக்கி உள்ளார்கள்.