Watch Video: காபூல் ப்ரீமியர் லீக்.. ஒரே ஓவரில் வரலாற்று சாதனை படைத்த ஆப்கன் வீரர்!

காபூல் ப்ரீமியர் லீக்கில், ஒரே ஓவரில் 48 ரன்கள் விளாசி சாதனை படைத்துள்ளார் ஆப்கானிஸ்தான் வீரர் செதிகுல்லா அடல்.

ஆப்கானிஸ்தானில் காபூல் ப்ரீமியர் லீக் எனப்படும் டி20 கிரிக்கெட் தொடர் நடைபெற்று வருகிறது. மொத்தம் ஐந்து அணிகள் பங்கேற்றுள்ள இந்த போட்டியின் கடைசி லீக் ஆட்டம் சனிக்கிழமை நடைபெற்றது. இதில் உள்ளூர் அணிகளான ஷாஹின் ஹண்டர்ஸ் மற்றும் அபாசின் டிஃபண்டர்ஸ் ஆகிய அணிகள் மோதின.

இந்த போட்டியில் டாஸ் வென்று அபாசின் அணி முதலில் பந்துவீசுவதாக அறிவித்தது. இதனைத்தொடர்ந்து களமிறங்கிய ஷாஹின் அணி 18 ஓவர்கள் முடிவில் 6 விக்கெட்டுகளை இழந்து 158 ரன்கள் குவித்து இருந்தது. அப்போது, கேப்டன் செதிகுல்லா அடல் 77 ரன்களையும், செய்த் கான் ரன் ஏதும் எடுக்காமலும் களத்தில் இருந்தனர்.

இந்த நிலையில் ஆட்டத்தின் 19வது ஓவரை, அபாசின் அணியின் அமிர் சாஜாய் வீசினார். முதல் பந்தை நோ பாலாக வீச அதை செதிகுல்லா சிக்ஸருக்கு பறக்க விட்டார். இதையடுத்து வீசிய அடுத்த பந்து வைடுடன், பைஸ் முறையில் பவுண்டரி ஆகவும் மாறியது. தொடர்ந்து, ஃபிரீ ஹிட் பந்தில் சிக்சர் அடித்த செதிகுல்லா, அதன்பின்னர் வீசப்பட்ட அந்த ஓவருக்கான 6 பந்துகளையும் அடுத்தடுத்து சிக்சர்களாக பறக்க விட்டு அரங்கை அதிரவைத்தார். செதிகுல்லாவின் ஆட்டத்தை பார்த்த அபாசின் அணியினர் திகைத்துபோய் நின்றனர். அந்த ஒரு ஓவரில் மட்டும் 7, 5, 6,6,6,6,6,6 என 48 ரன்கள் கிடைத்தது.

இதன் மூலம் விஜய் ஹசாரே தொடரில் ஒரு ஓவரில் 7 ரன்கள் விளாசிய ருத்துராஜ் கெய்க்வாட்டின் சாதனையை சமன் செய்துள்ளா செதிகுல்லா. அதேசமயம், ஒரு ஓவரில் அதிக ரன்களை விட்டுக்கொடுத்தவர் என்ற மோசமான சாதனையை அபேசின் டிஃபெண்டர்ஸ் வீரர் அமீர் ஐசாய் படைத்தார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.