World AIDS Day : ஆணிடமிருந்தே பெண்ணுக்குப் பரவும்.. அறிகுறிகள் இதுதான்.. உலக எய்ட்ஸ் தினம் இன்று!
Dec 01, 2023, 06:20 AM IST
Share
எய்ட்ஸ் நோய் முற்றிலும் குணப்படுத்த முடியாதது. ஆனால் நோயின் தாக்கத்தை தடுக்க ஒருவர் அன்றாட வாழ்க்கையில் கடைப்பிடிக்க வேண்டிய சில பாதுகாப்பு நடவடிக்கைகள் உள்ளன
பொதுவாகவே எய்ட்ஸ் என்றாலே பலரும் முகம் சுளிக்கும் விதமாக நடந்து கொள்கின்றனர். உடலுறவால் தான் இந்த நோய் வருகிறது என நினைத்து கொண்டு இருக்கிறார்கள். ஆனால் உண்மையில் இதனால் மட்டும் இந்த நோய் வருவதில்லை. இதற்கு பல காரணங்கள் உள்ளன.
அதேபோல இந்த நோய் ஒருவர் தொடுவதால் பரவக்கூடியது அல்ல. ஆண்டுதோறும் டிசம்பர் 1ஆம் தேதி உலக எய்ட்ஸ் தினம் அனுசரிக்கப்படுகிறது. உலக எய்ட்ஸ் தினம் முதன்முதலில் 1987ம் ஆண்டு ஆகஸ்ட் மாதத்தில் தாமஸ் நெட்டர் மற்றும் ஜேம்ஸ் பான் ஆகியோரால் கொண்டுவரப்பட்டது.
எய்ட்ஸ் மனித நோயெதிர்ப்பு குறைபாடு வைரஸ் நோயெதிர்ப்பு மண்டலத்தை தாக்கும் மோசமான தொற்று. இது நோயெதிர்ப்பு உயிரணுக்களின் செயல்பாட்டை இந்த வைரஸ் அழித்து பலவீனப்படுத்தும். இதனால் பாதிக்கப்பட்டவர்கள் படிப்படியாக நோயெதிர்ப்பு குறைபாடுடையவர்களாக மாறுவார்கள். இதற்கு உரிய சிகிச்சையளிக்காவிட்டால் உயிரிழக்கவும் நேரிடலாம்.
நோயின் சில அறிகுறிகள்
காய்ச்சல்
தொண்டை புண்
தோல் வெடிப்பு
குமட்டல்
உடல் வலி
தலைவலி
வயிற்று தொற்று போன்றவை
மூட்டு வலி
சருமத்தில் சொறி,
தொண்டை புண்
வாய் புண்
வயிற்றுப்போக்கு
எடை இழப்பு
இருமல்
இரவு நேரத்தில் வியர்த்தல்
இந்த நோய் முற்றிலும் குணப்படுத்த முடியாதது. ஆனால் நோயின் தாக்கத்தை தடுக்க ஒருவர் அன்றாட வாழ்க்கையில் கடைப்பிடிக்க வேண்டிய சில பாதுகாப்பு நடவடிக்கைகள் உள்ளன. எச்.ஐ.வி எய்ட்ஸுக்கு எதிரான தடுப்பு நடவடிக்கைகளில், உடலுறவின் போது பாதுகாப்பைப் பயன்படுத்துதல், ஊசிகள், கத்திகள் போன்றவற்றை மற்றவர்களுடன் பகிர்ந்து கொள்வதைத் தவிர்ப்பது மற்றும் நல்ல உடல் நோய் எதிர்ப்பு சக்தியை உருவாக்குதல் ஆகியவை அடங்கும்.
ஒரு நபர் எய்ட்ஸ் நோயால் பாதிக்கப்படுவதற்கு பல்வேறு காரணங்கள் உள்ளன.
எய்ட்ஸ் பாதிக்கப்பட்ட பெண்ணின் தாய்ப்பால் போன்ற உடல் திரவங்கள் மூலம் இது உடலில் பரவலாம்.
பாதிக்கப்பட்ட நபருடன் பாதுகாப்பற்ற உடலுறவு வைத்துக்கொள்வதால் ஏற்படுத்தலாம்.
ஊசிகள், கத்திகள் போன்றவற்றை பாதிக்கப்பட்ட நபருடன் பகிர்ந்து கொள்வதும் நோயின் பாதிப்பிற்கு ஒரு காரணமாக அமைகிறது.
தொடுவதாலோ, இருமுவதாலோ, தும்முவதாலோ, முத்தமிடுவதாலோ, கட்டி அணைப்பதாலோ பரவ வாய்ப்பேயில்லை. ஈக்கள், கொசுக்கள் மூலமாகவும் பரவாது.
எய்ட்ஸ் நோய் இருப்பவர்களுக்கு எச்.ஐ.வி இருக்கும் . ஆனால் எச்.ஐ.வி உள்ளவர்களுக்கு எய்ட்ஸ் இருக்கும் என்பது அவசியமில்லை.எச்.ஐ.வி வைரஸ் என்பது ரத்தம் மூலம் பரவும். பாலுறவின்போது ஆணுக்கும் பெண்ணுக்கும் வெளிப்படும் நீர்மத்தின் மூலமும் பரவும். பெண்ணிடமிருந்து ஆணுக்கு எச்.ஐ.வி வைரஸ் பரவும் விகிதம் குறைவு. பெரும்பாலும் ஆணிடமிருந்தே பெண்ணுக்குப் பரவும்.
எச்.ஐ.வி தடுப்பூசி கண்டுபிடிப்பதற்கான ஆய்வுகள் உலகெங்கும் தீவிரமாக நடந்துவருகின்றன. இந்தியாவுக்கு வர இன்னும் எத்தனை ஆண்டுகள் வேண்டுமானாலும் ஆகலாம். இப்படியொரு தடுப்பூசி எப்போது வரும் என்று மருத்துவர்களே காத்திருக்கிறார்கள்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்