KOLKATTA: கொல்கத்தா மருத்துவர் பாலியல் வன்கொடுமை - A1 குற்றவாளி சஞ்சய்ராய் சிறைக்காவலர்களிடம் கூறியது என்ன?

KOLKATTA - கொல்கத்தா மருத்துவர் பாலியல் வன்கொடுமை மற்றும் கொலை வழக்கில் முக்கியக்குற்றவாளியான சஞ்சய் ராய்க்கு பாலிகிராஃப் என்னும் உண்மை அறியும் சோதனை நடத்தப்பட்டது.

அதில் குற்றம்சாட்டப்பட்ட சஞ்சய் ராய், கொடூரமான கொலை குறித்த தனது ஒப்புதல் வாக்குமூலத்தில் இருந்து பின்வாங்கினார். தான் நிரபராதி என்றும் கூறியுள்ளார்.

பாலியல் வன்கொடுமை மற்றும் கொலை குறித்து தனக்கு எதுவும் தெரியாது என்று சிறைக்காவலர்களிடம் சஞ்சய் ராய் கூறியதாக ஒரு அறிக்கை கூறியுள்ளது.

கொல்கத்தா காவல்துறையின் விசாரணையின்படி, சஞ்சய் ராய் அரசு நடத்தும் ஆர்.ஜி. கார் மருத்துவக்கல்லூரி மற்றும் மருத்துவமனையின் கருத்தரங்க மண்டபத்திற்குள் 31 வயதான பயிற்சி மருத்துவரை பாலியல் வன்கொடுமை செய்து கொலை செய்ததாக ஒப்புக்கொண்டார்.

ஆகஸ்ட் 23ஆம் தேதி, அவர் சீல்டாவில் உள்ள கூடுதல் தலைமை நீதித்துறை மாஜிஸ்திரேட் (ஏ.சி.ஜே.எம்) நீதிமன்றத்தில் இதேபோன்ற கூற்றுக்களை முன்வைத்தார்.

சஞ்சய் ராயின் கூற்று குறித்து அதிகாரிகள் கூறியது என்ன?

எவ்வாறாயினும், சி.பி.ஐ.யும் காவல்துறையும் அவரது அறிக்கைகளில் வெளிப்படையான முரண்பாடுகளைக் கண்டன. விசாரணையாளர்களை தவறாக வழிநடத்த முயற்சிப்பதாக ஒரு அதிகாரி இந்துஸ்தான் டைம்ஸிடம் கூறினார். அவரது முகத்தில் ஏற்பட்ட காயங்கள் மற்றும் குற்றம் நடந்த நேரத்தில் அவர் கட்டடத்தில் இருந்ததற்கு தன்னால் எந்த விளக்கத்தையும் வழங்க முடியாது என்று அந்த அதிகாரி கூறினார்.

சி.சி.டி.வி.யில் காணப்படும் குற்றம்சாட்டப்பட்டவர் மருத்துவரை முறைப்பதாக வெளியான தகவல்:

சி.சி.டி.வியில் புலனாய்வாளர்களை தவறாக வழிநடத்த சஞ்சய் ராய் முயற்சிப்பதாகத் தெரிகிறது. அவரது முகம் மற்றும் பிற உடல் பாகங்களில் ஏற்பட்ட புதிய காயங்கள், சி.சி.டி.வி காட்சிகள் ஆகியவற்றிற்கு திருப்திகரமான பதிலை சஞ்சய் ராய் வழங்க முடியவில்லை. இது குற்றம் நடப்பதற்கு சில நிமிடங்களுக்கு முன்பு அதிகாலை 4.03 மணிக்கு குற்றம் நடந்த இடத்தில் எடுக்கப்பட்டது என்று அந்த அதிகாரி கூறினார்.

கடந்த ஆகஸ்ட் 24ஆம் தேதியன்று, சஞ்சய் ராயின் பாலிகிராஃப் தேர்வு என்னும் உண்மை அறியும் சோதனை சில தொழில்நுட்ப காரணங்களால் ஒத்திவைக்கப்பட்டது. இது இன்று நடக்க வாய்ப்புள்ளது.

முன்னாள் முதல்வர் டாக்டர் சந்தீப் கோஷ் மற்றும் நான்கு மருத்துவர்கள் உட்பட ஆறு பேர் சனிக்கிழமை உண்மை கண்டறியும் சோதனைக்கு உட்படுத்தப்பட்டனர்.

சஞ்சய் ராய் சிறையின் செல் எண் 21 இல் பலத்த பாதுகாப்புடன் அடைக்கப்பட்டுள்ளார். அவர் தனியறையில் தனியாக இருக்கிறார். தீவிர கண்காணிப்புக்காக அவரது அறைக்கு வெளியே சிசிடிவி கேமராக்கள் பொருத்தப்பட்டன.

‘சஞ்சய் ராய் ஒரு வக்கிரமானவர்’

சஞ்சய் ராயின் உளவியல் விவரக்குறிப்பு அவரை ஒரு வக்கிரமானவராகவும், ஆபாசத்திற்கு கடுமையான அடிமையானவராகவும் கண்டறிந்தது. ஒரு சிபிஐ அதிகாரி ஒரு மருத்துவரை மேற்கோள் காட்டி, சஞ்சய் ராயுக்கு விலங்கு போன்ற உள்ளுணர்வு இருக்கிறது என்று அவர் சொன்னார்.

சஞ்சய் ராய் செய்த குற்றத்திற்கு வருத்தம் தெரிவிக்கவில்லை என்று சிபிஐ அதிகாரி ஒருவர் கடந்த வாரம் பி.டி.ஐ.யிடம் தெரிவித்தார். அவர் எந்த வருத்தத்தையும் காட்டாமல் முழு குற்றத்தையும் புலனாய்வு நிறுவனத்திடம் விவரித்தார்.

மேலும், சிபிஐ ஆகஸ்ட் 25ஆம் தேதியான இன்று 10 போலீஸ் அதிகாரிகள் மற்றும் குடிமை தன்னார்வலர்கள் உட்பட 15-க்கும் மேற்பட்டவர்களை விசாரித்ததாக செய்தி நிறுவனம் தெரிவித்துள்ளது.

ஆர்.ஜி கார் மருத்துவக் கல்லூரி மற்றும் மருத்துவமனையில் நடந்தது என்ன?

ஆகஸ்ட் 9ஆம் தேதி காலை மருத்துவமனையின் கருத்தரங்க அரங்கில் அந்தப் பெண் பயிற்சி மருத்துவர் பாலியல் வன்கொடுமை செய்யப்பட்டு கொலை செய்யப்பட்டார். அவரது உடல் கண்டுபிடிக்கப்படுவதற்கு சில மணி நேரங்களுக்கு முன்பு, அவர் தனது 36 மணி நேர நீண்ட ஷிப்ஃட்க்கு மத்தியில் ஓய்வெடுக்க மண்டபத்திற்குச் சென்றிருந்தார். உயிரிழந்த அந்த பயிற்சி மருத்துவரின் பிரேத பரிசோதனையில் 16 வெளிப்புற காயங்கள் மற்றும் 9 உள் காயங்கள் இருப்பது தெரியவந்தது.

சிசிடிவி காட்சிகளை பகுப்பாய்வு செய்ததில், ஆகஸ்ட் 9ஆம் தேதி அதிகாலை 4:03 மணியளவில் சஞ்சய் ராய் கட்டடத்திற்குள் நுழைந்தது தெரியவந்தது. ஆகஸ்ட் 8ஆம் தேதி, அவர் மார்பு துறைக்குச் சென்றார். பாதிக்கப்பட்ட மருத்துவர் மற்றும் பிறரை, சிசிடிவி கேமரா முகப்பில் பார்த்தார்.