Crime: சிறுமி நிர்வாண வீடியோ - மொட்டை மாடியில் பாலியல் - தொடர் கொடுமை!

Jul 11, 2023, 05:52 PM IST

ஓவியம் வரைய கற்றுக் கொடுப்பதாகக் கூறி சிறுமியைப் பள்ளி உதவியாளர் பாலியல் வன்கொடுமை செய்த சம்பவம் அதிர்ச்சியை ஏற்படுத்தியுள்ளது.

எங்களை பின் தொடரலாம்

பெண்களுக்கு எதிரான பாலியல் குற்றங்கள் தொடர்ந்து அதிகரித்து வருகின்றன. பாலில் குற்றங்களுக்கு எதிராகச் சட்டங்களும், கடுமையான தண்டனைகளும் இருந்தாலும் குற்றங்கள் குறைந்தபாடில்லை. 40 வயது வாலிபர் சிறுமியை பாலியல் வன்கொடுமை செய்த சம்பவம் ஆந்திர மாநிலத்தில் நிகழ்ந்துள்ளது.

ஆந்திரப் பிரதேசம் மாநிலம், விசாகப்பட்டினம், கஞ்சர பாலத்தைச் சேர்ந்த கப்பற்படை அலுவலருக்கு பத்தாம் வகுப்பு படிக்கக்கூடிய மகள் உள்ளார். இந்த மாணவி படிக்கும் தனியார்ப் பள்ளியில் உதவியாளராக 40 வயதான சத்யராவ் என்பவர் பணியாற்றி வருகிறார்.

சிறுமி வசிக்கும் அதே அடுக்குமாடிக் குடியிருப்பில் சத்யா ராவ் வசித்து வருகிறார். ஓவியம் வரைய கற்றுக் கொடுப்பதாகக் கூறும் அடிக்கடி சத்யா ராவ் மனைவியின் வீட்டுக்குச் சென்று வந்துள்ளார். வீட்டில் யாரும் இல்லாத நேரத்தில் மாணவியை சத்யா ராவ் வலுக்கட்டாயமாக பாலியல் வன்கொடுமை செய்துள்ளார்.

இந்த சம்பவத்தை செல்போனில் வீடியோவாக பதிவு செய்து வைத்துள்ளார். இந்த விஷயம் பற்றி வெளியே கூறினால் வீடியோவில் சமூக வலைத்தளங்களில் வெளியிட்டு விடுவேன் என அடிக்கடி சிறுமியை பாலியல் வன்கொடுமை செய்து வந்துள்ளார்.

வீட்டில் சிறுமியின் பெற்றோர்கள் இருக்கும்போதே மொட்டை மாடிக்கு அழைத்துச் சென்று சத்யா ராவ் சிறுமியை பாலியல் வன்கொடுமை செய்துள்ளார். அதே சமயம் இந்த சிறுமியின் நிர்வாண வீடியோவை தனது நண்பர்கள் மூன்று பேருக்குப் பகிர்ந்துள்ளார்.

அடிக்கடி அந்த காணொளியைக் காட்டி சிறுமியை மிரட்டி வலுக்கட்டாயமாக பாலியல் வன்கொடுமை செய்துள்ளார். கடந்த ஜூன் மாதம் மூன்றாம் தேதி முதல் 23ஆம் தேதி வரை பலமுறை சிறுமியை அவர் பாலியல் வன்கொடுமை செய்தது கண்டுபிடிக்கப்பட்டுள்ளது.

ஜூலை மாதம் ஆறாம் தேதி என்று மாணவி மிகவும் சோர்வாக இருந்துள்ளார். இதனைக் கண்ட சிறுமியின் தாய் அவரிடம் விசாரித்துள்ளார். அப்போது நடந்த அனைத்து சம்பவத்தையும் மாணவி தாயிடம் தெரிவித்துள்ளார். இதனைக் கேட்டு அதிர்ச்சடைந்தது சிறுமியின் தாய் விசாகப்பட்டினம் விமான நிலைய காவல் நிலையத்தில் புகார் அளித்துள்ளார்.

புகாரின் பேரில் வழக்குப் பதிவு செய்த காவல் உதவி ஆணையர் விவேகானந்தன், விசாரணையில் சத்யா ராவ் சிறுமியை பாலியல் வன்கொடுமை செய்தது கண்டுபிடிக்கப்பட்டது. அதன் பிறகு இந்த வழக்கு அனைத்து மகளிர் காவல் நிலையத்திற்கு மாற்றப்பட்டு போக்சோ சட்டத்தின் கீழ் சத்யா ராய் காவல் துறையினர் கைது செய்தனர். இந்த வழக்கு தொடர்பாக மேலும் விசாரணை நடைபெற்று வருகிறது.