Swami Vivekananda statue: விவேகானந்தர் சிலையைத் திறந்த மக்களவை சபாநாயகர்!

மெக்சிகோவில் புதிதாகக் கட்டப்பட்டிருந்த விவேகானந்தரின் சிலையை மக்களவை சபாநாயகர் ஓம் பிர்லா திறந்து வைத்தார். இந்த சிலையானது மக்களுக்கு உத்வேகமாக இருக்கும் எனத் தனது ட்விட்டர் பக்கத்தில் ஓம் பிர்லா தெரிவித்துள்ளார்.

இது குறித்து அந்த ட்விட்டர் பதிவில்," இந்த சிலையானது மக்களுக்கு உத்வேகத்தைத் தரும். நாட்டை புதிய தலைமைக்கு இளைஞர்கள் கொண்டு செல்லும் அளவிற்கு மாற்றத்தைக் கட்டாயம் இந்த சிலை அளிக்கும். புதிய அரசியல் மாற்றத்தை இளைஞர்கள் ஏற்படுத்தும் வகையில் புது உத்வேகத்தை ஏற்படுத்தும்.

சுவாமி விவேகானந்தரின் செய்திகளும் போதனைகளும் மனிதக் குலத்திற்கு மிக முக்கியமான ஒன்றாகும். அவரது சிலையை மெக்சிகோவில் திறந்து வைப்பதன் மூலம் எங்களது பணிவான அஞ்சலிகளை அவருக்குச் செலுத்துகிறோம்" எனப் பதிவிட்டுள்ளார்.