பாலஸ்தீன மக்களுடனான ஒருமைப்பாட்டிற்கான சர்வதேச தினம்: நீங்கள் தெரிந்துகொள்ள வேண்டியவை

நவம்பர் 29ஆம் தேதியை பாலஸ்தீன மக்களுடன் ஒருமைப்பாட்டுக்கான சர்வதேச தினமாக கொண்டாட ஐக்கிய நாடுகள் பொதுச் சபை நியமித்துள்ளது.

1977ஆம் ஆண்டில், ஐக்கிய நாடுகள் பொதுச்சபை நவம்பர் 29ஆம் தேதியை பாலஸ்தீனிய மக்களுடன் ஒருமைப்பாட்டிற்கான சர்வதேச தினமாக ஆண்டுதோறும் அனுசரிக்க அழைப்பு விடுத்தது.

அந்த நாளில், 1947ஆம் ஆண்டில் ஐக்கிய நாடுகள் சபையின் உறுப்பினர்கள் அனைவரும் பாலஸ்தீனத்தின் பிரிவினை குறித்த தீர்மானத்தை ஏற்றுக்கொண்டனர். இதுகுறித்து ஐ.நா.வின் அதிகாரப்பூர்வ அறிக்கையில் கூறியுள்ளதாவது, “பாலஸ்தீன மக்களுடன் ஒருமைப்பாட்டுக்கான சர்வதேச தினத்தை அனுசரிப்பது குறித்த தீர்மானம், ஒருமைப்பாட்டு தினத்தை அனுசரிப்பதற்கு தொடர்ந்து பரந்த ஆதரவையும் விளம்பரத்தையும் வழங்க உறுப்பு நாடுகளை ஊக்குவிக்கிறது.” எனத் தெரிவிக்கப்பட்டுள்ளது.

அரபு இஸ்ரேல் போர் ஏற்படுத்திய தாக்கம்:

1948ஆம் ஆண்டில் அரபு-இஸ்ரேல் போரின்போது நடந்த ஆழமான அதிர்ச்சிகரமான நிகழ்வான பாலஸ்தீனிய நக்பாவை (பேரழிவு என்று பொருள்) நினைவுகூரும் வகையில் ஐ.நா பொதுச் சபை ஒரு கண்காட்சியை ஏற்பாடு செய்தது.

அந்த நேரத்தில் பாலஸ்தீனிய மக்களில் பாதிக்கும் மேற்பட்டவர்கள் வெளியேற்றப்பட்டனர். தங்கள் வீடுகளை விட்டு வெளியேறி அகதிகள் ஆகினர். அரபு மொழியில் "பேரழிவு" என்று பொருள்படும் நக்பா, 1948 அரபு-இஸ்ரேல் போரின்போது பாலஸ்தீனியர்களின் பாரிய இடப்பெயர்வு மற்றும் உடைமைகள் பறிக்கப்படுவதைக் குறிக்கிறது. நக்பாவுக்கு முன்பு, பாலஸ்தீனம் ஒரு பல இன மற்றும் பல கலாசார சமூகமாக இருந்தது.

எவ்வாறாயினும், அரேபியர்களுக்கும் யூதர்களுக்கும் இடையிலான மோதல் 1930ஆம் ஆண்டுகளில், ஐரோப்பாவில் துன்புறுத்தலால் உந்தப்பட்ட யூத குடியேற்றத்தின் அதிகரிப்பு மற்றும் பாலஸ்தீனத்தில் ஒரு யூத அரசை நிறுவுவதை நோக்கங்களாக கொண்டிருந்தது. மேலும், சியோனிச இயக்கத்துடன் சேர்ந்து இவ்வியக்கம் தீவிரமடைந்தது.

டிசம்பர் 1948ஆம் ஆண்டில், ஐ.நா. பொதுச்சபை அகதிகள் நாடு திரும்புதல் குறித்தும், சொத்து மீட்பு மற்றும் இழப்பீடு செய்யவும் அழைப்பு விடுத்தது. இருப்பினும், 75 ஆண்டுகளுக்குப் பிறகும், எண்ணற்ற ஐ.நா தீர்மானங்கள் இருந்தபோதிலும், பாலஸ்தீனியர்களின் உரிமைகள் தொடர்ந்து மறுக்கப்படுகின்றன.

2023ஆம் ஆண்டில் காசா போரில் கொல்லப்பட்ட பாலஸ்தீனியர்கள்:

சுமார் 6 மில்லியன் பாலஸ்தீனியர்கள் இன்றுவரை அகதிகளாக உள்ளனர். பிராந்தியம் முழுவதும் சிதறிக்கிடக்கின்றனர் என்பதை நக்பா நினைவூட்டுகிறது என்று ஐ.நா. கூறியுள்ளது.

ஐ.நா பொதுச்செயலாளரால் "மனிதாபிமான பேரழிவு" என்று விவரிக்கப்பட்ட ஒரு சூழ்நிலையின் மத்தியில், 2023ஆம் ஆண்டில் காசா போரின் போது, ஆயிரக்கணக்கானோர் கொல்லப்பட்ட நிலையில், இந்த அகதிகளில் நூறாயிரக்கணக்கானவர்கள் கூடுதல் கட்டாய இடப்பெயர்வை அனுபவித்துள்ளனர்.

2023ஆம் ஆண்டில் ஹமாஸ் என்னும் பாலஸ்தீன ஆதரவு குழுவை 'ஒழித்துக்கட்டும்' நோக்கத்துடன் பாலஸ்தீனத்தின் காஸா மீது இஸ்ரேல் இடைவிடாது குண்டுமழைப் பொழிந்ததால், இதேபோன்ற நிலைமை இப்போது எழுந்துள்ளது.

பாலஸ்தீனர்களைக் கொன்று குவித்த இஸ்ரேல்:

2023ஆம் ஆண்டு, அக்டோபர் 7ஆம் தேதி இஸ்ரேல் மீது ஹமாஸ் தாக்குதல் நடத்தி சுமார் 1,200 பேரைக் கொன்றதை அடுத்து இஸ்ரேல் ஹமாஸ் மீது போர் தொடுத்தது. இதற்கு பதிலடியாக காசாவில் குறைந்தது 20,000 பாலஸ்தீனர்களை இஸ்ரேல் கொன்றுள்ளது.

புதுடெல்லியில் உள்ள பாலஸ்தீன தூதரகத்தில் 'பாலஸ்தீன மக்களுடன் ஒருமைப்பாட்டுக்கான சர்வதேச தினத்தை' அரபு நாடுகளின் லீக் இன்று அனுசரிக்கிறது.

அமெரிக்காவின் வெர்மான்ட் நகரில் 3 பாலஸ்தீன இளைஞர்கள் சுட்டுக் கொல்லப்பட்டனர். 20 வயதான ஹிஷாம் அவர்தானி, கின்னன் அப்துல்ஹமிட் மற்றும் தஹ்சீன் அலி அகமது ஆகியோர் பாதிக்கப்பட்டவர்களின் உறவினர்களில் ஒருவரைப் பார்க்கச் சென்றபோது கைத்துப்பாக்கியுடன் ஒரு வெள்ளையர் அவர்களை சுட்டதாக அமெரிக்க போலீசார் தெரிவித்தனர்.