IIT Kharagpur: விடுதி அறையில் சடலமாக மீட்கப்பட்ட மாணவர்!

கொல்கத்தா: மேற்கு வங்காளத்தில் உள்ள காரக்பூரில் உள்ள இந்திய தொழில்நுட்பக் கழகத்தில் நான்காம் ஆண்டு மாணவர், செவ்வாய்க்கிழமை தாமதமாக தனது விடுதி அறையில் இறந்து கிடந்தார் என்று போலீஸார் தெரிவித்தனர்.

அந்த மாணவர் தெலுங்கானாவைச் சேர்ந்த எலக்ட்ரிக்கல் இன்ஜினியரிங் நான்காம் ஆண்டு இரட்டைப் பட்டப்படிப்பு படித்து வந்தார்.

ஐஐடி காரக்பூரின் அறிக்கையில், மாணவர் தனது இரண்டு அறை தோழர்களுடன் இரவு 7:30 மணியளவில் அவர்களது விடுதி அறையில் இருந்தார். மற்ற இரண்டு மாணவர்களும் பின்னர் கல்லூரிக்கு சென்றனர். இரவு 8:30 மணியளவில், விடுதியில் இருந்த மாணவர்கள் லால் பகதூர் சாஸ்திரி ஹால் ஆஃப் ரெசிடென்ஸ், அவரது அறை உள்ளே இருந்து பூட்டப்பட்டிருப்பதைக் கண்டனர். இந்நிலையியில் கதவை தட்டிப்பார்த்த போது திறக்காததால் "கதவு வலுக்கட்டாயமாக திறக்கப்பட்டது, அப்போது மாணவர் தூக்கில் தொங்கிய நிலையில் காணப்பட்டார்" என்று அந்த அறிக்கையில் கூறப்பட்டுள்ளது.

பின்னர் மாணவர் பிசி ராய் தொழில்நுட்ப மருத்துவமனைக்கு அழைத்துச் செல்லப்பட்டார், அங்கு அவர் 11:30 மணியளவில் உயிரிழந்ததாக அறிவிக்கப்பட்டார்.

அந்த அறிக்கையில் மாணவர் "தற்கொலை" என்ற பாதையை தேர்ந்தெடுத்தார் 

“சில முறைகேடு நடந்ததாகக் கூறி பாதிக்கப்பட்டவரின் குடும்பத்தினரிடமிருந்து எங்களுக்கு எந்தப் புகாரும் வரவில்லை. இயற்கைக்கு மாறான மரணம் என்று வழக்குப் பதிவு செய்யப்பட்டுள்ளது. பிரேத பரிசோதனை அறிக்கைக்காக நாங்கள் காத்திருக்கிறோம்,” என்று காரக்பூர் (டவுன்) காவல் நிலையத்தின் மூத்த அதிகாரி ஒருவர் தெரிவித்தார். இந்நிலையில் இது தற்கொலையா என்பது குறித்து விசாரணை நடந்து வருகிறது.

2022 ஆம் ஆண்டில், ஐஐடி காரக்பூரில் மூன்றாம் ஆண்டு மெக்கானிக்கல் இன்ஜினியரிங் மாணவர் ஃபைசன் அகமது, விடுதி அறையில் இறந்து கிடந்தார். பின்னர் அவர் கொலை செய்யப்பட்டதாக அவரது பெற்றோர் குற்றம் சாட்டி, கொல்கத்தா உயர் நீதிமன்றத்தில் வழக்குத் தொடர்ந்தனர், இதையடுத்து சிறப்பு புலனாய்வுக் குழுவிடம் கொலை வழக்கைப் பதிவு செய்ய உத்தரவிடப்பட்டது குறிப்பிடத்தக்கது.

தற்கொலை தீர்வல்ல:

வாழ்க்கையில் வரும் கவலைகளும், துன்பங்களும் நிரந்தமானது அல்ல. அவற்றை தற்காலிகமாக்குவதும், நிரந்தரமாக்குவதும் நாம் அதை எதிர்கொள்வதில் தான் உள்ளது. தற்கொலை எதற்கும் தீர்வு ஆகாது. வாழ்க்கையை மகிழ்வாய் வாழும் வழிகளை கண்டறிய துவங்கினால் வாழ்க்கை சுவாரஸ்யமானதாக இருக்கும். ஒருவேளை உங்களுக்கு மன அழுத்தம் ஏற்பட்டாலோ, தற்கொலை எண்ணம் உருவானாலோ அதிலிருந்து மீண்டும் வர கீழ்காணும் எண்களை அழைக்கலாம்.

மாநில உதவி மையம் :104

சினேகா தன்னார்வ தொண்டு நிறுவனம்,

எண்; 11, பார்க் வியூவ் சாலை, ஆர்.ஏ. புரம்,

சென்னை - 600 028.

தொலைபேசி எண் - (+91 44 2464 0050, +91 44 2464 0060)

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.