Aishwarya Rai: ’மீன் சாப்பிட்டால் பெண்களை கவரலாம்!’ ஐஸ்வர்யா ராயை குறிப்பிட்டு பாஜக அமைச்சர் தந்த டிப்ஸ்

மீன்களை அதிகம் சாப்பிடுவதால் முன்னாள் உலக அழகி ஐஸ்வர்யா ராய்க்கு அழகிய கண்கள் உள்ளதாக மகாராஷ்டிராவை சேர்ந்த பாஜக அமைச்சர் விஜய் குமார் காவித் தெரிவித்துள்ளார்.

மகாராஷ்டிர அரசில் மாநில பழங்குடியினர் மேம்பாட்டு துறை அமைச்சராக இருக்கு காவித் துலே மாவட்டத்தில் உள்ள மீனவர் சமூகத்தினர் ஏற்பாடு செய்துள்ள நிகழ்ச்சியில் கலந்து கொண்டு பேசினார். 

அப்போது, மீன் சாப்பிடுவதன் முக்கியத்துவம் மற்றும் நன்மைகளை விளக்கும் வகையில் பல்வேறு அம்சங்களை குறிப்பிடும் வகையில் ஐஸ்வர்யா ராயின் அழகான கண்களை பற்றி குறிப்பிட்டார். 

"ஐஸ்வர்யா ராயின் கண்களை நீங்கள் பார்த்திருப்பீர்கள். அது எவ்வளவு அழகாக உள்ளது. அவர் கர்நாடகாவின் மங்களூரு கடற்கரையில் வளர்ந்தார். ஐஸ்வர்யாராய் வழக்கமாக மீன் சாப்பிடுவார், அதனால்தான் ஐஸ்வர்யாராய்க்கு மிகவும் அழகான கண்கள் உள்ளன. இளைஞர்கள் மீன் சாப்பிட ஆரம்பித்தால் தோற்றம் அழகாவதுடன், பெண்களின் இதயங்களை எளிதில் வெல்ல முடியும் என பேசினார்.

நந்துர்பரைச் சேர்ந்த பாஜக எம்எல்ஏவான கவிட், வடக்கு மகாராஷ்டிராவிலிருந்து செல்வாக்கு மிக்க பழங்குடித் தலைவராகக் கருதப்படுகிறார். இவரது மகள் ஹீனா நந்துர்பார் மக்களவைத் தொகுதியின் பாஜக எம்.பி.யாக உள்ளது குறிப்பிடத்தக்கது.