World Radiography Day 2023 : உலக கதிரியக்க நாள் – முக்கியத்துவம், வரலாறு, கருப்பொருள் என்ன என்று தெரிந்துகொள்ளுங்கள்!

உலக கதிரியக்க நாள், உலக சுகாதார விழிப்புணர்வு நாளாகும். இந்த நாள் நவம்பர் 8ம் தேதி கடைபிடிக்கப்படுகிறது. ஒவ்வொரு ஆண்டும் ஸ்கேன், எக்ஸ்ரே எடுப்பது, ரேடியேசன் தெரபி கொடுப்பது, ஒரு ரேடியோகிராஃபரின் பங்கு என அனைத்து குறித்து விழிப்புணர்வு ஏற்படுத்துவது இந்த நாளின் நோக்கமாகும்.

இந்த நாளில் ஐரோப்பியன் ரேடியாலஜி சொசைட்டி, வட அமெரிக்க ரேடியாலஜிக்கல் சொசைட்டி, அமெரிக்கன் ரேடியாலஜி கல்லூரி உள்ளிட்ட பல்வேறு நிறுவனங்கள், இணைந்து பல்வேறு விழிப்புணர்வு நிகழ்ச்சிகளை நடத்துகிறது. அவற்றில் சுகாதாரத்துறையில் ரேடியாலஜி மற்றும் ரேடியாலஜிட்களின் பங்கையும், ரேடியலாஜி தொழில்நுட்ப வல்லுனர்களின் முக்கியத்துவம் குறித்து விளக்குகிறார்கள்.

உலக கதிரியக்க நாளின் முக்கியத்துவம்

பாதிக்கப்பட்ட மனித உடல்கள் மற்றும் விலங்குகளின் உள் உறுப்புகளை படம் பிடித்து அதில் உள்ள பிரச்னைகளை கண்டுபிடித்து அதற்கு சிகிச்சையளிக்கும் மருத்துவத்துறையின் ஒரு பகுதி ரோடியாலஜி ஆகும். ஒரு நோயை கண்டுபிடிப்பதற்கும், ஒரு நோய்க்கு சிகிச்சையளிப்பதற்கும் பல்வேறு வகை படங்களை தொழில்நுட்பங்கள் மூலம் எடுக்கப்படுகிறது. அவை ஃப்ளுரோஸ்கோப்பி, பொசிட்ரான் எமிசன் டோமோகிராஃபி, கம்ப்யூடட் டோமோகிராஃபி (சிடி ஸ்கேன்) அல்ட்ரா சவுண்ட், எக்ஸ்ரே ரேடியோகிராஃபி, மேக்னடிக் ரெசோனென்ஸ் இமேஜிங் (எம்ஆர்ஐ) ஆகியவை ஆகும். படம் எடுக்கும் தொழில்நுட்பத்தை சிறிய ஊடுருவும் அறுசைசிகிச்சைகளுக்கு வழிகாட்ட பயன்படுத்துவது இன்டர்வென்ஷ்னல் ரேடியாலஜி என்று அழைக்கப்படுகிறது.

பாதுகாப்பில்லாமல் செய்யப்படும் ரேடியலாஜி பயன்பாடுகளால் சில நேரங்களில் மரணங்கள் மற்றும் ஊனங்கள் ஏற்பட்டுவிடுகிறது. ஆண்டுதோறும், குறைந்த மற்றும் நடுத்தர வருமானம் உள்ள நாடுகளில் உள்ள மருத்துவமனைகளில் 13.4 கோடி துன்பியல் நிகழ்வுகள் ஏற்படுகிறது. பாதுகாப்பற்ற நடவடிக்கைகளால் 26 லட்சம் பேர் இறந்துவிடுகிறார்கள்.

அதிக வருமானம் கொண்ட நாடுகளில், 10ல் ஒரு நோயாளி, மருத்துவமனை செல்லும்போது ஆபத்தில் சிக்குகிறார். அதில் 50 சதவீதம் பேர் காப்பாற்றப்படுகிறார்கள்.

இந்தாண்டு கருப்பொருள்

நோயாளிக்கு பாதுகாப்பு கொடுப்பது என்பதாகும். இந்த கருப்பொருள், சுகாதாரத்துறையில் திறனை பராமரிக்க ப்ரொஃபஷனல் பங்களிப்பின் முக்கியத்துவம் என்னவென்று கூறுவது மற்றும் ரேடியசனில் இருந்து பாதுகாப்பதையும் கடந்து நோயாளியின் பாதுகாப்பு முக்கியம் என்பதை உறுதிப்படுத்துவதும் ஆகும்.

கடந்த காலங்களின் கருப்பொருள்

2022ம் ஆண்டு ரேடியோகிராஃபர்கள், நோயாளிகள் பாதுகாப்பில் முன்னணியில் என்பதாகும்.

2021ம் ஆண்டு தொற்று காலத்தில் ரேடியோகிராஃபர்களின் பங்கு என்பதாகும்.

2020ம் ஆண்டு செயற்கை நுண்ணறிவு மூலம் நோயாளிகளின் நலனை உயர்த்துவது என்பதாகும்.

2019ம் ஆண்டு உங்கள் பாதுகாப்பே எங்கள் முக்கியத்துவம் என்பதாகும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.