World Heart Day: உடலின் ஆதாரம் இதயம்! இதய தினத்தின் முக்கியத்துவம் என்ன?

உலக அளவில் இதய நோய் காரணமாக உயிரிழப்போர் எண்ணிக்கை அதிகரித்து வருகிறது. மேலும் இளம் வயதில் உள்ளவர்களுக்கும் இதய நோய் பாதிப்பு உண்டாகிறது. ஒவ்வொருவருக்கும் உடலின் முக்கிய ஆதார உறுப்பாக இருப்பது இதயம், இத்தகைய இதயத்தில் கோளாறு ஏதேனும் ஏற்பட்டால் உடலின் ஒட்டுமொத்த இயக்கமும் பாதிக்கப்படும். எனவே இதயத்தின் ஆரோக்கியத்தை பாதுகாப்பது உடலின் ஓட்டுமொத்த ஆரோக்கியத்தை பாதுகாப்பதற்கு சமம். இது குறித்தான விழிப்புணர்வை ஏற்படுத்த ஒவ்வொரு ஆண்டும் செப்டம்பர் 29 அன்று உலக இதய கூட்டமைப்பு சார்பில் உலக இதய தினம் கொண்டாடப்படுகிறது. 

இதய நோய் தினமானது உலகம் முழுவதும் உள்ள மக்களிடத்தில் இதய நோய் மற்றும் இருதய நோய்களை நிர்வகிப்பதற்கான அதன் தடுப்பு நடவடிக்கைகள் பற்றிய விழிப்புணர்வை ஏற்படுத்தும் நோக்கில் கொண்டாடப்படுகிறது. மேலும் இது தொடர்பாக உலகளவில் பல்வேறு நடவடிக்கைகள் மற்றும் விழிப்புணர்வு நிகழ்வுகளை ஏற்பாடு செய்வதன்  வாயிலாக கொண்டாடப்படுகிறது.

உலக இதய தினத்தின் முக்கியத்துவம்

இதயம் மனித உடலின் முக்கிய உறுப்புகளில் ஒன்றாகும், அதன் செயலிழப்பு மரணத்திற்கு வழிவகுக்கும், எனவே ஒவ்வொருவரும் இதய ஆரோக்கியத்தை கவனித்துக்கொள்வது மிகவும் அவசியம். இருதய ஆரோக்கியம் மற்றும் சில வாழ்க்கை முறை பழக்கவழக்கங்கள் பற்றிய விழிப்புணர்வு இல்லாததால், இருதய நோய்கள் (CVDs) உலகளவில் இறப்புக்கான முக்கிய காரணங்களில் ஒன்றாகும். ஒவ்வொரு ஆண்டும், சுமார் 1.7 கோடி மக்கள் இருதய நோயால் இறக்கின்றனர், இது உலகளாவிய இறப்புகளில் சுமார் 31% ஆகும்.

மாரடைப்பு, பக்கவாதம் மற்றும் கரோனரி இதய நோய் ஆகியவை இருதயக் கோளாறுகளால் ஏற்படும் இறப்புகளுக்கு மிகவும் பொதுவான காரணங்களில் ஒன்றாகும். இந்த இதயக் கோளாறுகள் இருதய நோய்களால் ஏற்படும் மொத்த இறப்புகளில் கிட்டத்தட்ட 85% ஆகும். இதய ஆரோக்கியத்தின் முக்கியத்துவத்தை உலகெங்கிலும் உள்ள மக்களுக்குப் புரிந்துகொள்வதற்கு விழிப்புணர்வை ஏற்படுத்துவதில் உலக இதய தினம் முக்கிய பங்கு வகிக்கிறது மற்றும் விழிப்புணர்வை ஏற்படுத்த பல்வேறு நிகழ்வுகளை ஏற்பாடு செய்வதில் தீவிரமாக பங்கேற்க மற்ற அமைப்புகளை ஒன்றிணைக்கிறது.

உலக இதய தினத்தின் வரலாறு

உலக சுகாதார அமைப்பின் முன்னாள் தலைவர் அன்டோனி பெய் டி லூனா அவர்களால் முதன் முதலில் 1999 ஆம் ஆண்டு முதல் உலக இதய தினம் அறிமுகப்படுத்தப்பட்டது. அதனை தொடர்ந்து 2000 ஆம் ஆண்டு முதல் செப்டம்பர் 24 உலக இதய தினமாகவும் அனுசரிக்கப்பட்டது. பின்னர் இறுதியாக 2012 ஆம் ஆண்டில் உலக சுகாதார கூட்டமைப்பில் கலந்து கொண்ட நாடுகளின் ஒப்புதலின் படி ஒவ்வொரு ஆண்டும் செப்டம்பர் 29 அன்று உலக இருதய தினம் கொண்டாடும் தீர்மானம் நிறைவேற்றப்பட்டது. மேலும் வரும் 2025 ஆம் ஆண்டிற்குள் இதய நோயால் ஏற்படும் இறப்பை 25 சதவீதம் குறைக்கவும் இலக்கு தீர்மானிக்கப்பட்டது. 

இதய ஆரோக்கியத்திற்கான நடவடிக்கைகள்

சுறு சுறுப்பான வாழ்க்கை முறை, ஆரோக்கியமான உணவுகள், கெடுதல் அளிக்க கூடிய குடி மற்றும் மதுவை தவிர்த்தல் ஆகிய நடவடிக்கைகள் வாயிலாக இதய நோய் ஏற்படும் வாய்ப்பை குறைக்க முடியும்.  மேலும் தொடர்ந்து செய்யும் உடற்பயிற்சி இதய தசைகளை வலுப்படுத்த உதவுகிறது. உடல் எடையின் பிஎம்ஐ கட்டுப்பாட்டில் வைத்திருப்பதன் வாயிலாக அதிக கொழுப்பு, உயர் இரத்த சர்க்கரை மற்றும் உயர் இரத்த அழுத்தம் காரணமாக தமனி சேதத்தின் அபாயத்தை குறைத்து, மாரடைப்பு ஏற்படுவதைத் தவிர்க்க முடியும்.