River Cauvery : காவிரி விவகாரம் – அறிவியல் அறிக்கை கூறுவது என்ன?

இந்திய அறிவியல் ஆராய்ச்சிக் கழக (IISc) ஆய்வாளர்கள் சமீபத்திய அறிக்கையில், (Cauvery River: Land use Dynamics Bio-diversity and Hydrological Status-28.11.23) காவிரி வடிநிலப்பகுதியில், 1965-2016 இடைப்பட்ட காலத்தில், தமிழக மற்றும் கர்நாடக பகுதியில், காடுகளின் பரப்பு குறைந்தும், வேளாண் நிலங்களின் பரப்பும் அதிகரித்ததால், நீரின் தேவை இரு மாநிலங்களிலும் அதிகரித்ததை சுட்டிக்காட்டுகிறது.

2016ல் இருந்து தற்போது வரை ஒவ்வொரு ஆண்டும் பயிரிடப்படும் பகுதி 2 சதவீதம் அதிகரித்தும், காடுகளின் பரப்பு 2 மாநிலங்களிலும் குறைந்ததால் காவிரி நதி மூலம் பூர்த்தியாகும் நீர்த்தேவை இரு மாநிலங்களிலும் அதிகரித்துள்ளதை ஆய்வறிக்கை சுட்டுகாட்டுகிறது.

மேலும், இரு மாநிலங்களும், நீர் நிலைகளை (காவிரி) பராமரிப்பதில் போதிய அக்கறை காட்டாததால், காவிரியில் நீரை சேமித்து வைக்கும் அளவு குறைந்ததும், காவிரி நீரின் தேவையை அதிகப்படுத்தியுள்ளது.

இரு மாநிலங்களிலும், இயற்கையாக தாவரங்கள் இருந்த பகுதி 28,194 சதுர கிலோ மீட்டர் பரப்பிலிருந்து,15,345 சதுர கிலோமீட்டராக (45.55% குறைவு) கடந்த 50 ஆண்டுகளில் குறைந்துள்ளது.

இயற்கையாக தாவரங்கள் உள்ள பரப்பு

கர்நாடகா - 9,664 சதுர.கி.மீ. (57%),

தமிழ்நாடு - 2,905 சதுர.கி.மீ. (29%)

கேரளா - 279 சதுர.கி.மீ. (27%)

குறைந்துள்ளது.

காவிரி நீர்பிடிப்பு பகுதியில்,

பயிரிடப்படும் பரப்பு,

தமிழகத்தில் - 6,556 சதுர.கி.மீ.ல் (13.8%) இருந்து 20,233 சதுர.கி.மீ. (42.7%),

கர்நாடகத்தில்-1,193 சதுர.கி.மீ.ல் இருந்து (3.42%), 8,497 சதுர.கி.மீ. (24.3%)

என அதிகரித்துள்ளது.

இதன் காரணமாக, தமிழகத்தில் நீரின் தேவை, 429 TMCயில் இருந்து 573 TMC ஆகவும், கர்நாடகத்தில் நீரின் தேவை 72 TMCயில் இருந்து 171 TMC ஆக, 1971ம் ஆண்டு வரை அதிகரித்துள்ளது.

மொத்தத்தில் வனப்பரப்பை அழித்து வேளாண் பரப்பை இரு மாநிலங்களும் அதிகப்படுத்தியதும் காவிரி நதி நீரின் தேவையை அதிகரித்துள்ளது. இதன் காரணமாகவும் இரு மாநிலங்களும் காவிரி நீரை பங்கிடுவதில் சிறிதளவு சிக்கல் ஏற்பட்டுள்ளது.

காடுகளை அழித்தே வேளாண் பரப்பை உயர்த்தியது குறித்து இரு மாநிலங்களும் சிந்தித்து செயல்பட்டிருந்தால் முரண்பாடுகள் சிறிதளவு குறைந்திருக்கும்.

காவிரி வடிநிலம் நீர் பற்றாக்குறை பகுதியாக (Water Deficit) இருப்பதும் தமிழக மற்றும் கர்நாடக மாநில முரண்பாடுகளுக்கு முக்கிய காரணமாக உள்ளது. இரு மாநில அரசுகளும் சிந்தித்து செயல்பட்டிருக்க வேண்டும்.

தகவல் - மருத்துவர் புகழேந்தி

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.