மெதுவாக சாப்பிடுவது உடல் எடையை குறைக்க உதவுமா? ஆராய்ச்சிகள் கூறுவது என்ன? இதோ முழு விவரம்!

வேகம் நிறைந்த வாழ்கை காலகட்டத்தில் பலருக்கும் சாப்பிட கூட நேரம் கிடைப்பது இல்லை. பலரும் வேகமாக தங்களது உணவை சாப்பிட்டு முடித்துவிட்டு அடுத்த வேலைகளுக்கு செல்வதில் குறியாக உள்ளனர். ஆனால் இது நாளடைவில் மிகப்பெரிய பிரச்னைகளை உண்டாக்கும் என மருத்துவர்கள் எச்சரிக்கின்றனர். 

மெதுவாக சாப்பிடுவது ஏன் மிகவும் சக்தி வாய்ந்தது என்பதை மருத்துவர் விளக்குகின்றனர். "வேகமாக சாப்பிடுபவர்களை விட மெதுவாக சாப்பிடுபவர்களுக்கு வளர்சிதை மாற்ற நோய் அறிகுறிகள் உருவாகும் வாய்ப்பு நான்கு மடங்கு குறைவாக இருப்பதாக ஆராய்ச்சி வலுவாக காட்டுகிறது., நீங்கள் என்ன சாப்பிடுகிறீர்கள் என்பதற்கும் இதற்கும் எந்த சம்பந்தமும் இல்லை என கூறுகின்றனர். 

உங்களுக்கு சாப்பிடும் உணவு பிடிக்கிறதோ, இல்லையோ ஆனால் அதனை நீங்கள் நிதானமாக உட்கொள்ளும் போது உடல் ஆரோக்கியம் மேம்படும் என்பது மருத்துவர்கள் கூற்றாக உள்ளது. 

மெதுவாக சாப்பிடுவது உடல் எடையை குறைக்குமா?

பிஎம்ஜே ஓபன் 2018ஆம் ஆண்டில் வெளியிட்ட ஆய்வு மெதுவாக சாப்பிடுவது குறைந்த உடல் பருமம் உடன் தொடர்பு உடையது என கூறுகின்றது. நீங்கள் உண்ணும் வேகத்தை குறைப்பது, இரவு உணவிற்கு பின் வேறு உணவை உட்கொள்ளாமல் இருப்பது மற்றும் தூங்கச் செல்வதற்கு இரண்டு மணி நேரத்திற்கு முன்பு வரை சாப்பிடாமல் இருப்பது ஆகியவை உங்கள் எடையைக் குறைக்க உதவும் என்று ஆராய்ச்சிகள் பரிந்துரைக்கிறது. இந்த உணவுப் பழக்கங்களில் ஏற்படும் மாற்றங்கள் குறைந்த உடல் பருமன் மற்றும் எடை (பிஎம்ஐ) மற்றும் சிறிய இடுப்பு சுற்றளவு உண்டாக காரணமாக உள்ளதாக ஆராய்சி ஆளர்கள் கூறுகின்றனர். 

2008ஆம் ஆண்டு முதல் 2013 ஆம் ஆண்டுக்கு இடைப்பட்ட காலத்தில் மேற்கொண்ட உடல்நலப் பரிசோதனைகளில் ஜப்பானில் நீரிழிவு நோயால் பாதிக்கப்பட்ட சுமார் 60,000 பேரின் உடல்நலக் காப்பீட்டுத் தரவுகளின் அடிப்படையில் அவர்கள் இதனை கண்டறிந்து உள்ளனர். இது ஒரு அவதானிப்பு ஆய்வு, எனவே காரணம் மற்றும் விளைவு பற்றி உறுதியான முடிவுகளை எடுக்க முடியாது.

ஆயினும்கூட, விரைவாக சாப்பிடுவது குளுக்கோஸ் சகிப்புத்தன்மை மற்றும் இன்சுலின் எதிர்ப்பு ஆகியவற்றுடன் தொடர்புபடுத்த படுகின்றது. மேலும் இது வேகமாக சாப்பிடுபவர்கள் முழுதாக உணர அதிக நேரம் எடுக்கலாம், அதேசமயம் மெதுவாக சாப்பிடுபவர்களுக்கு இது விரைவாக நிகழலாம், இது அவர்களின் கலோரி அளவைக் கட்டுப்படுத்த உதவுகிறது என்பது ஆராய்ச்சியாளர்கள் கூற்றாக உள்ளது. 

பொறுப்பு துறப்பு

இந்த கட்டுரை தகவல் நோக்கங்களுக்காக மட்டுமே மற்றும் தொழில்முறை மருத்துவ ஆலோசனைக்கு மாற்றாக இல்லை. மருத்துவ நிலை குறித்த ஏதேனும் கேள்விகளுக்கு எப்போதும் உங்கள் மருத்துவரின் ஆலோசனையைப் பெறவும்.