நோக்கியா நியூ ஸ்மார்ட்போன்கள் அறிமுகம்!

நோக்கியா இரண்டு புதிய ஸ்மார்ட்போன்களை நாளை(ஏப்ரல் 25) அறிமுகம் செய்ய உள்ளது. HMD குளோபலுக்கு சொந்தமான ஸ்மார்ட்போன் பிராண்ட் நோக்கியா G11 மற்றும் நோக்கியா G21 ஐ ஏப்ரல் 26 ஆம் தேதி அறிமுகப்படுத்த உள்ளது.

இந்த ஸ்மார்ட்போன்கள் ஏற்கனவே ஐரோப்பிய சந்தைகளில் அறிமுகப்படுத்தபட்டுள்ள நிலையில், இப்போது அவை இந்தியாவிலும் வரவுள்ளதாக அறிவிப்பு வெளியாகியுள்ளது. இந்த ஸ்மார்போன்களின் டீஸர், அவை பேட்டரியை மையமாகக் கொண்ட போன்கள் என்று கூறுகிறது.

மேலும், யூனிசோக் செயலி, 90 ஹெர்ட்ஸ் புதுப்பிப்பு வீதம் மற்றும் 6.5 இன்ச் டிஸ்ப்ளே ஆகியவை நோக்கியா போன்களில் எதிர்பார்க்கப்படும் அம்சங்களாகும்.

நோக்கியா ஜி21, 50எம்பி பிரதான கேமராவுடன் வரலாம், அதேசமயம் நோக்கியா ஜி11 13எம்பி மெயின் லென்ஸ் இருக்கும் என்று எதிர்பார்க்கப்படுகிறது. G21 ஆனது 8MP செல்ஃபி லென்ஸுடன் இருக்கலாம், அதே நேரத்தில் G11 ஆனது 5MP முன் கேமராவுடன் வரும் என்று எதிர்பார்க்கப்படுகிறது.

இது பேட்டரியை மையமாகக் கொண்ட ஃபோன்கள் என்பதால், குறைந்தபட்சம் 5,000mAh பேட்டரியுடன் இருக்கும் என்ற எதிர்பார்ர்ப்பு உள்ளது. அதேசமயம் 18W சார்ஜர் கொடுக்கப்படும் என்று எதிர்பார்க்கப்படுகிறது. இந்த போன்கள் ஆண்ட்ராய்டு 11 இல் இயங்கும். ஃபோன்கள் 3 ஜிபி ரேம்மில் தொடங்கி 6 ஜிபி வரை இருக்கும், அதோடு 64 ஜிபி உள் சேமிப்புடன் முடிவடையும் என்று தகவல்கள் தெரிவிக்கின்றன.