Benefits of Pumpkins : கண் பார்வையை கூர்மையாக்கும் இந்த காயை தினமும் உணவில் சேர்த்தால் உடல் ஆரோக்கியம் அதிகரிக்கும்!

பரங்கிக்காய் அமெரிக்காவில் தோன்றிய காய், அறிவியல் ரீதியாக பரங்கிக்காய் ஒரு பழம்தான். ஆனால் அதை நாம் காய் பட்டியலில் வைத்துள்ளோம். அது பழம் என்று அழைக்கப்படுவதற்கு அதன் இனிப்பு சுவையும் காரணமாகும். இந்த இனிப்பு சுவைக்காக இந்த காயை யாரும் விரும்பி உண்ண மாட்டார்கள்.  ஆனால் இதை பிரதானமாக பல்வேறு உணவுகளில் இந்தியர்கள் பயன்படுத்துகிறார்கள். 

பரங்கிக்காயின் நன்மைகள் 

கண்பார்வையை கூராக்கும்

ஒரு கப் பரங்கிக்காயில் நீங்கள் தினமும் உட்கொள்ள வேண்டிய அளவில் 200 சதவீதம் வைட்டமின் ஏ சத்து உள்ளது. அது கண்ணில் உள்ள கார்னியாவை பாதுகாத்து உங்கள் பார்வையை காக்கிறது. இரவு நேரத்தில கண்கள் நன்றாக தெரிவதற்கு உதவுகிறது. இதில் உள்ள லியூடீன் மற்றும் செக்ஸானின் ஆகிய சத்துக்கள், கண்களை கண்புரை நோய் உள்ளிட்ட பல்வேறு கண் நோய்களில் இருந்து காக்கிறது.

உடலின் நோய் எதிர்ப்புத் திறனை அதிகரிக்கிறது

இதில் உள்ள பீட்டா கரோட்டின், வைட்டமின் சி, இரும்புச்சத்து மற்றும் ஃபோலேட் ஆகிய சத்துக்கள், உங்கள் உடலின் நோய் எதிர்ப்புத்திறனை அதிகரிக்கின்றன.

ரத்த அழுத்தத்தை குறைக்கிறது

ஆரஞ்சு வண்ணமுள்ள உணவுகளில் பொட்டாசியச்சத்துக்கள் அதிகம் இருக்கும். அது உங்கள் ரத்த அழுத்ததை குறைக்க உதவுகிறது. எலும்பை வலுப்படுத்துகிறது. உங்களுக்கு சிறுநீரக கற்கள் மற்றும் பக்கவாத நோய்கள் ஏற்படாமல் தடுக்கிறது.

உங்கள் சரும பொலிவை அதிகரிக்கிறது

பரங்கிக்காயில் உள்ள ஆன்டி-ஆக்ஸிடன்ட்கள், உங்கள் சருமத்துக்கு நல்லது. வயோதிகத்தை தள்ளிப்போடுகிறது. மேலும் இதில் உள்ள புரோவைட்டமின் பீட்டா கரோட்டின், உங்கள் உடல் வைட்டமின் ஏ மற்றும் சி ஆகிய வைட்டமின்களை உற்பத்தி செய்ய உதவுகிறது.

செரிமானத்தை அதிகரிக்கிறது

பரங்கிக்காயில் உள்ள நார்ச்சத்துக்கள் உங்கள் குடல் இயக்கத்தை முறைப்படுத்தி, ஆரோக்கியமாக உடல் எடை இருக்க உதவுகிறது. மேலும் உடலில் கொழுப்பை குறைக்க உதவுகிறது.

புற்றுநோய் ஆபத்தை தடுக்கிறது

கேன்சர் செல்கள் எளிதில் பல்கி பெருகக்கூடியவை. இதில் உள்ள கரோட்டினாய்டுகள், அவற்றை தடுத்து சில வகை புற்றுநோய்கள் ஏற்படாமல் தடுக்கிறது.

பரங்கிக்காய் மசாலாப் பொடி தயாரிப்பது எப்படி? அது எதில் பயன்படுத்தப்படுகிறது? அதில் எத்தனை நன்மைகள் உள்ளது என்று தெரிந்துகொள்ளலாம். 

இந்த பரங்கிக்காயை வைத்து தயாரிக்கும் மசாலாப்பொடி இப்போது, சாக்லேட்கள், இனிப்பு, காபி, பருப்பு வகைகளை, கீரிம் சீஸ், ஊட்டச்சத்து சாக்லேட்கள் என அனைத்திலும் உபயோகப்படுத்தப்படுகிறது. இது உள்ள மற்ற பொருட்களும் உங்கள் உடலுக்கு நன்மை கொடுப்பவை.

இதில் உள்ள பட்டை உங்கள் ரத்த அழுத்தம் மற்றும் ரத்த சர்க்கரை அளவை குறைக்க உதவுகிறது.

மற்ற மசாலாக்கள் அனைத்திலும், இயற்கையாகவே ஆன்டி மைக்ரோபையல் உட்பொருட்கள், மாங்கனீஸ் ஆகியவை உள்ளன. இது எலும்பு ஆரோக்கியத்துக்கு மிக முக்கியம்.

இதில் சேர்க்கப்படும் இஞ்சி செரிமானத்துக்கு உதவுகிறது.

ஜாதிக்காயில் ஆன்டி ஆக்ஸிடன்ட்கள் உள்ளன. அது வயோதிகத்தை தள்ளிப்போடும். புற்றுநோய் மற்றும் இதய கோளாறு போன்றவற்றை சரிசெய்ய உதவும். இந்த பரங்கிக்காய் மசாலாவில் நம் உடலுக்கு தேவையான சர்க்கரை கிடைககும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9