Election results: குஜராத்தில் மீண்டும் பாஜக! இமாச்சலில் காங்கிரஸ்

மக்களின் தீர்ப்பை மதிக்கிறேன். கடந்த 5 ஆண்டுகளில் ஆதரவாக இருந்த பிரதமர் மற்றும் பிற தலைவர்களுக்கு நன்றியை தெரிவித்துக்கொள்கிறேன். 

அரசியல் பார்க்காமல் மாநிலத்தின் வளர்ச்சிக்காக எப்போது துணை நிற்போம். எங்களின் குறைகளை ஆராய்ந்து சரி செய்து அடுத்த தேர்தலில் வெற்றி பெறுவோம் என்று இமாச்சலில் முதல்வராக இருந்து வரும் ஜெய்ராம் தாக்கூர் கூறியுள்ளார்

இமாச்சல பிரதேசத்தில் உள்ள 68 தொகுதிகளில் காங்கிரஸ் 40 இடங்களிலும், பாஜக 25 இடங்களிலும் முன்னிலை பெற்றுள்ளது

குஜராத்தில் தொடர்ச்சியாக 7வது முறையாக பாஜக ஆட்சி அமைக்கிறது.  மொத்தம் உள்ள 182 தொகுதிகளில் பாஜக 151 இடங்களில் முன்னிலை பெற்றுள்ளது.

காங்கிரஸ் கட்சி 21, ஆம் ஆத்மி 6, சமாஜ்வாதி கட்சி 1, மற்றவர்கள் 3 தொகுதிகளில் முன்னிலை பெற்றுள்ளனர்

குஜாராத்தில் 10 தொகுதிகளில் முன்னிலை பெற்றுள்ள ஆம் ஆத்மி கட்சி, இமாச்சல பிரதேசத்தில் ஒரு தொகுதிகளிலும் முன்னிலை பெறவில்லை

குஜராத்தில் தனிப்பெரும் மெஜாட்டியை பெற்ற பாஜக 123  தொகுதிகளில் முன்னிலை பெற்றுள்ளது. காங்கிரஸ் 22 தொகுதிகளிலும், ஆம் ஆத்மி கட்சி 10 தொகுதிகளிலும் முன்னிலை பெற்றுள்ளது

இமாச்சல பிரதேசத்தில் காங்கிரஸ், பாஜக தலா 32 தொகுதிகளிலும் முன்னிலை பெற்றுள்ள நிலையில், சுயேச்சை வேட்பாளர்கள் 3 தொகுதிகளில் முன்னிலை பெற்றுள்ளனர்

குஜராத்தில் பாஜக 52.8% வாக்குகளையும், காங்கிரஸ் 26.8% வாக்குகளும், புதிய கட்சியான ஆம் ஆத்மி 14% வாக்குகளையும் பெற்றுள்ளதாக தேர்தல் ஆணையம் தெரிவித்துள்ளது

மோர்பி தொகுதியில் பாஜக வேட்பாளர் காந்தி அம்ருதியா 400 வாக்குகள் முன்னிலை பெற்றுள்ளார் 

குஜராத்தில் உள்ள கம்பாலியா தொகுதியில் ஆம் ஆத்மி கட்சி வேட்பாளர் இசுதன் காந்த்வி முன்னிலை பெற்றுள்ளார்

இமாச்சல பிரதேசத்தில் பாஜக 4 தொகுதிகளும், காங்கிரஸ் 1 தொகுதியிலும் முன்னிலை பெற்றுள்ளது

குஜராத்தில் ஆரம்பத்திலேயே பாஜக 17 தொகுதிகளில் முன்னிலை பெற்றுள்ளது. காங்கிரஸ் 5 தொகுதிகளில் முன்னிலை பெற்றுள்ளது

குஜராத், இமாச்சல பிரதேச மாநிலங்களில் நடைபெற்ற சட்டப்பேரவை, உத்தர பிரதேச மாநில நாடாளுமன்ற தொகுதி இடைத்தேர்தல் மற்றும் பல்வேறு மாநிலங்களில் உள்ள 6 சட்டப்பேரவை தொகுதி இடைத்தேர்தல் வாக்கு எண்ணிக்கை இன்று நடைபெறுகிறது.