தீபாவை சுற்றி சுற்றி அடிக்கும் சோதனை..கார்த்திக் கண்ணில் சிக்கிய ஐஸ்வர்யா - கார்த்திகை தீபம் இன்றைய எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில் கார்த்திக் வெளியே வர, ஐஸ்வர்யா தீபாவை தேடி அலைய இன்று நடக்கப்போவது என்ன என்பது குறித்து பார்க்கலாம்.

விபத்தில் இருந்து தப்பிக்கும் தீபா

அதாவது, தீபாவுடன், சக்தி, நர்ஸ் மற்றும் ஆசிரமத்துக்கு உள்ளவர்கள் எல்லோரும் வந்து கொண்டிருக்கும் வேன் திடீரென பிரேக் பிடிக்காமல் போகிறது. ட்ரைவர் பிரேக் பிடிக்கவில்லை என்று சொல்ல அனைவரும் பதற்றம் அடைகின்றனர்.

இதையடுத்து வேன் தடுமாறி கட்டுப்பாடு இல்லாமல் ஒரு இடத்தில் மோதி நிற்க அதில் இருக்கும் அனைவரும் உயிர் தப்புகின்றனர். அடுத்து ஐஸ்வர்யா துங்காவை சந்தித்து அந்த தீபாவை உயிரோட விடக்கூடாது இரண்டு பேரும் ஆளுக்கு ஒரு பக்கமாக தேடுவோம் திட்டமிடுகின்றனர்.

தீபாவை வருகை

போலீஸ் கஸ்டடியில் இருந்து வெளியே வந்த கார்த்திக், இன்ஸ்பெக்டர் சரவணன் எனக்கு நன்றி சொல்லி தீபாவை எப்படியாவது பாட வைக்க வேண்டும் என சொல்கிறான். சக்தி நர்ஸ் தீபாவை எப்படியாவது கூட்டிட்டு வருவாங்க அந்த நம்பிக்கை எனக்கு இருக்கு எனக்கு இருக்கு என்றும் சொல்கிறான்.

ஐஸ்வர்யாவை துரத்தும் கார்த்திக்

கார்த்திக் இன்ஸ்பெக்டர் உடன் பேசிக்கொண்டிருக்கும் நேரத்தில், அந்த வழியாக வந்த ஐஸ்வர்யா கார்த்தியை பார்த்து அதிர்ச்சி அடைகிறாள். கார்த்தியின் கண்ணில் படாமல் எஸ்கேப் ஆக முயற்சி செய்ய கார்த்திக் ஐஸ்வர்யாவை பார்த்து துரத்த தொடங்குகிறான்.

இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கார்த்திகை தீபம் கடந்த எபிசோடில் நடந்தது என்ன?

ஐஸ்வர்யா புற்றுக்குள் கையை விட்டு துப்பாக்கியை வெளியே எடுக்கிறாள். அதை தொடர்ந்து ஐஸ்வர்யா அங்கிருந்து தீபாவை தேடி கிளம்புகிறாள். மறுபக்கம் துங்காவும் தீபாவை தேடி அலைய இன்ஸ்பெக்டர் சரவணன் ஆசிரமத்தின் வெளியே இருந்த சிசிடிவி காட்சிகளை வைத்து, கார்த்தியை வெளியே கொண்டு வர கிளம்புகிறார்.

பிறகு போதை பொருள் தடுப்பு பிரிவினரை சந்தித்து ஆதாரத்தை கொடுத்து கார்த்தி நிரபராதி என்பதை நிரூபித்து வெளியே கொண்டு வருகிறார். இதையடுத்து போதை பொருள் தடுப்பு பிரிவினர் ரூபஸ்ரீயை சுற்றி வளைத்து, கைது செய்கின்றனர். ஐஸ்வர்யா துங்காவை சந்தித்து, அந்த தீபாவை உயிரோட விட கூடாது என்று திட்டம் போடும் காட்சிகள் இடம்பிடித்திருந்தது.

கார்த்திகை தீபம் சீரியல்

தமிழ் டிவி சீரியல்களில் அதிகம் பேரால் பார்த்து ரசிக்கும் சீரியல்களில் ஒன்றாக கார்த்திகை தீபம் இருந்து வருகிறது. கார்த்திகை தீபம் சீரியலில் விஜய் டிவியில் ஒளிபரப்பான ஆபிஸ் சீரியல் புகழ் கார்த்திக் ராஜ் , அர்திகா பிரதான கதாபாத்திரங்களில் நடித்து வருகிறார்கள். விசித்ரா, மீரா கிருஷ்ணன், நடிகர் ராஜேஷ் ஆகியோரும் முக்கிய கதாபாத்தித்தில் தோன்றுகிறார்கள். விஜயகுமார், வனிதா விஜயகுமார், வடிவுக்கரசி சிறப்பு வேடத்தில் நடிக்கிறார்கள்.

கடந்த 2022 முதல் ஜீ தமிழில் இந்த தொடர் ஒளிபரப்பாகி வருகிறது. ஜீ பங்களா டிவியில் ஒளிபரப்பான கிருஷ்ணாகோயில் சீரியலின் தமிழ் ரீமேக்காக கார்த்திகை தீபம் உள்ளது.