Seetha Raman: ‘முழுசா வீடு திரும்ப மாட்ட’..சீறிய சீதா..விழி பிதுங்கி நின்ற மகா!

ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 7.30 மணிக்கு ஒளிபரப்பாகி வரும் பிரபலமான சீரியல் சீதா ராமன். இந்த சீரியலில் இன்றைய எபிசோடில் சீதா விநாயகர் முன்பு விளக்கேற்றி வேண்டிக் கொண்டிருக்கும் போது திடீரென விளக்கு அணைகிறது.

அதை பார்க்கும் சீதா ஏதோ தவறாக நடக்கப்போகிறது என எண்ணி வருந்துகிறாள். இதைத்தொடர்ந்து மகாலட்சுமி ஆபீஸ் வேலை விஷயமாக பாம்பே செல்வதாக கூறி குலசேகர பட்டினம் சென்று கோயிலில் வைத்து மதுமிதாவை சந்திக்கிறாள்.மேலும் நீ எங்க குடும்பத்தை ஏமாத்தி, சீதாவை என் பையனுக்கு கல்யாணம் பண்ணி வச்சிட்ட என திட்டி மதுமிதாவை மிரட்டுகிறாள்.

அதன் பிறகு சூர்யாவின் அண்ணியை பார்த்து மதுமிதாவுக்கும் சூர்யாவுக்கும் முதலிரவு நடக்காமல் பார்த்துக் கொள்ள வேண்டும் என சொல்லி பணத்தை கொடுக்கிறாள். 

இந்த நேரத்தில் சீதாவின் சித்தி குலசேகரபட்டினத்தில் மகாலட்சுமியை பார்த்து விடுகிறாள்; உடனே அவள் சீதாவுக்கு போன் செய்து, மகாலட்சுமி குலசேகரபட்டினம் வந்த விஷயத்தை ஏன் சொல்லவில்லை என கேட்க, சீதாவுக்கு உண்மை தெரிய வருகிறது.

பிறகு மீராவின் போனிலிருந்து மகாலட்சுமிக்கு ஃபோன் போடும் சீதா என்னுடைய அக்காவுக்கு ஏதாவது ஆச்சுன்னா நீங்க முழுசா திரும்பி வர மாட்டீங்க என மிரட்டுகிறாள். இப்படியான நிலையில் அடுத்ததாக நடக்க போவது என்ன என்பது குறித்து அறிய சீதா ராமன் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்