ஒரு ஊர்ல ரெண்டு ராஜா! சீரியலில் என்ட்ரி கொடுக்கும் பட நடிகர் அசோக் குமார்!

பல ஆண்டுகளுக்கு முன்பு வெள்ளித்திரையில் வாய்ப்பு குறையும் நடிகர்கள் சின்னத்திரையில், சீரியல்களில் நடிப்பது வழக்கமாக இருந்தது. பெரிய இயக்குனர்களும் டிவிகளில் தொடர்களை இயக்கவும் செய்தனர். அந்த நிலை மாறி தற்போது சின்னத்திரையில் நடித்த நடிகர்கள் பெரிய ஹீரோக்களாக வெள்ளித்திரையில் வலம் வருகின்றனர். ரியாலிட்டி ஷோக்களில் வந்த சிவ கார்த்திகேயன் தற்போது தமிழ் திரையுலகின் முன்னணி ஹீரோவாக உள்ளார். இது போன்றே பல நடிகர்கள் உள்ளனர்.

இருப்பினும் வெள்ளித்திரையில் சரியாக ஜொலிக்காத நடிகர்கள் சீரியலில் நடிக்க ஆரம்பித்ததும் மக்களிடம் நல்ல வரவேற்பை பெற்று வருகின்றனர். விஜய் டிவியின் ராஜா ராணி மூலம் டெலிவிஷனுக்கு அறிமுகமாகி தற்போது சன் டிவியின் கயல் சீரியல் வரை நடிகர் சஞ்சீவ் சின்னத்திரையை கலக்கி வருகிறார். இவரைப் போல பல நடிகர்களை உதாரணமாக கூறலாம்.

ஜீ தமிழில் புதிய சீரியல்

விஜய் டிவி, சன் டிவி மற்றும் ஜீ தமிழ் ஆகிய சேனல்களில் ஒளிபரப்பாகும் சீரியல்களே எல்லா வாரங்களிலும் டி. ஆர்.பி யில் முதன்மையான இடத்தில் உள்ளன. இந்த வரிசையில் தற்போது ஜி தமிழில் புதிய சீரியல் ஒன்று குறித்தான புரோமோ வீடியோ வெளியாகியுள்ளது. மௌனம் பேசியதே எனப் பெயரிடப்பட்ட இந்த சீரியலில் திரைப்பட நடிகர் அசோக் குமார் முதன்மையான ரோலில் நடிக்கிறார்.

மேலும் இந்த சீரியல் குறித்தான புரோமோ வீடியோக்கள் கடந்த சில நாட்களாக வெளிவந்தவண்ணம் உள்ளன.

ஒரு ஊர்ல ரெண்டு ராஜா

இது இரண்டு ஜோடிகளின் வாழ்க்கையை அடிப்படையாக கொண்டு உருவாக்கி உள்ளது. எனவே இதில் இரண்டு கதாநாயகிகள் மற்றும் இரண்டு கதாநாயகர்கள் உள்ளனர். இருவரில் ஒருவர் நல்லவர் எனவும், மற்றொருவர் கெட்டவர் எனவும் குறிப்பிடப்படுகிறது. இந்த இரண்டு ஜோடிகளும் எதிர்பாராவிதமாக ஜோடி மாறுகின்றனர். இது குறித்தான புரோமோ வெளியானதில் இருந்து ரசிகர்கள் பலர் இந்த தொடருக்காக காத்திருப்பதாக கமெண்ட் செய்து வருகின்றனர்.

இந்த சீரியலில் திரைப்பட நடிகர் அசோக் குமார் ஒரு ஹீரோவாக அறிமுகமாகிறார். இவர் பிடிச்சுருக்கு, கோழி கூவுது போன்ற பல படங்களில் நடித்துள்ளார். மேலும் மற்றொரு சீரியல் நடிகரான சத்யா ராஜாவும் இதில் நடித்துள்ளார். இவர் பல சீரியல்களில் நடித்துள்ளார். இரு வேறு கோணங்களில் உள்ள இரு ஜோடிகளுக்கு இடையே நடக்கும் கதைக்களம் கொண்ட இந்த சீரியல் நிச்சயமாக வெற்றி அடையும் என ரசிகர்கள் தெரிவித்து வருகின்றனர். குறிப்பாக நடிகர் அசோக் குமார் இந்த சீரியல் மூலமாக டிவிக்கு அறிமுகமாகிறார் என்பது முக்கியமான விஷயமாகும். இவர் டிவியில் தனக்கென ஒரு இடத்தை பிடிப்பார் எனவும் எதிறப்பார்க்கப்படுகிறது. இந்த சீரியல் எந்த நேரத்தில் ஒளிபரப்பாகும் என ரசிகர்கள் காத்துக் கொண்டு உள்ளனர். குறிப்பாக தற்போது ஓடி வரும் ஏதேனும் ஒரு சீரியலை முடித்து விட்டு இந்த சீரியல் தொடங்கும் எனவும் கூறப்படுகிறது.

நடிகர் லிவிங்ஸ்டன் மகள்

நடிகர் லிவிங்ஸ்டனின் மகளான ஜோவிதா இதில் ஒரு நாயகியாக நடித்துள்ளார். முதலில் இவர் சன் டிவியில் ஒளிபரப்பான அருவி சீரியலில் நடித்து வந்தார் என்பது குறிப்பிடத்தக்கது.