Karthigai Deepam: தீபாவுக்கு தெரியவரும் உண்மைகள்.‌. சிக்குவாரா சிவா? கார்த்திகை தீபம் இன்றைய எபிசோட் அப்டேட்!

இந்த சீரியலின் நேற்றைய எபிசோடில் மீனாட்சி வராததால் கார்த்திக் தீபாவுக்கு பரிமாற இதை பார்த்து ஐஸ்வர்யா கடுப்பாகினாள். இப்படியான நிலையில் இன்றைய எபிசோடில் நடக்கப்போவது என்ன என்பது குறித்து பார்க்கலாம்.

சாப்பிட்டு முடித்ததும் கார்த்திக் ஆபீஸ்க்கு கிளம்புகிறான். கார் சாவியை மறந்து விட்டு செல்ல தீபா அதை எடுத்து மீனாட்சியிடம் கொடுக்கிறாள்.

ஆனால் மீனாட்சி உன் புருஷன் தானே நீயே கொண்டு போய் கொடு; நான் கொடுக்க மாட்டேன் என்று சொல்லிவிட தீபா கார் சாவியை எடுத்துச் சென்று கார்த்தியிடம் கொடுக்கிறாள்.

கார்த்திக் தேங்க்ஸ் என சொல்லிவிட்டு காரில் ஏற போக, தீபா அவனை கூப்பிட்டு நிறுத்தி வீட்ல இருக்கவங்க வெளியே போகும்போது வீட்ல இருக்கவங்க வழி அனுப்பி வச்சா போய்ட்டு வரேன்னு சொல்லிட்டு போகணும் என சொல்கிறாள். இதைக்கேட்ட கார்த்திக் போய்ட்டு வரேன் தீபா என சொல்லிவிட்டு ஆபீஸூக்கு கிளம்புகிறான்.

மறுநாள் காலையில் தீபா சீக்கிரமாக எழுந்து பூஜை அறை, கிச்சனை தவிர்த்து மற்ற இடங்கள் எல்லாத்தையும் சுத்தம் செய்து அழகுப்படுத்தி பூஜை செய்ய பூக்களை கொண்டு வந்து பூஜை அறைக்கு வெளியே வைத்துவிட்டு சாம்பிராணி புகை போட்டுக் கொண்டு இருக்கிறாள்.

இந்த நேரம் பார்த்து கீழே வரும் ஐஸ்வர்யா இதையெல்லாம் நீ எதுக்கு பண்ணிக்கிட்டு இருக்க அபிராமி மனதில் இடம் பிடிக்கவா என சத்தம் போடுகிறாள்.

இதையடுத்து மீனாட்சி தீபாவுக்கு ஆதரவாக பேசிக் கொண்டிருக்க அந்த நேரம் பார்த்து அபிராமி கீழே வந்து இதையெல்லாம் யார் செய்தது என கேட்க ஐஸ்வர்யா தீபா தான் என கோர்த்து விட அபிராமி கடுப்பாகிறாள்.

 தீபா கொண்டு வந்த பூக்களை எடுக்காமல் வேலைக்காரியை பூஜை அறையில் பூ மாற்ற சொல்கிறாள். பிறகு அபிராமி பூஜை செய்ய மீனாட்சி தீபாவை ஒரு நாள் நீ கொண்டு வந்து வைத்த பூ சாமிக்கு போய் சேரும் என சமாதானம் செய்கிறாள்.

அதன் பிறகு மீனாட்சி பிள்ளையார் கோயிலுக்குச் சென்று நான் வேண்டின மாதிரி தீபா எங்க வீட்டு மருமகளா வந்துட்டா.. அதனால நான் சொன்ன மாதிரி உனக்கு 108 தேங்காய் உடைக்கிறேன் என சொல்லி தேங்காய் உடைக்கிறாள்.

அப்போது ஐயர் வந்து என்ன வேண்டுதலா? என்று கேட்க மீனாட்சி ஆமாம் என்று விஷயத்தை சொல்ல இதை ஒட்டு கேட்கும் ஒரு பெண்மணி ஐஸ்வர்யாவுக்கு போன் செய்து கோயிலில் நடக்கும் விஷயத்தை சொல்கிறாள். இதை ஐஸ்வர்யா அபிராமியிடம் பற்ற வைக்க அபிராமி கோபமடைகிறாள்.

பிறகு மீனாட்சி வீட்டுக்கு வர அபிராமி எங்க போயிட்டு வர என துருவி துருவி கேள்விகளை கேட்க, மீனாட்சி இந்த மாதிரி ஒரு அம்மா 108 தேங்கா உடைக்கிறதா வேண்டிக்கிட்டு இருந்தாங்க, அவங்களால உடைக்க முடியல அதனால அவங்களுக்கு நான் உதவி பண்ணினேன் என்று சமாளிக்க முயற்சி செய்கிறாள்.

ஆனால் அபிராமி தீபா ஆறு மாசம் டைம் கேட்டிருக்கா, அதுக்குள்ள அவளுக்கு சப்போர்ட் பண்ற வேலை எல்லாம் வேண்டாம் என எச்சரிக்க, மீனாட்சி தப்பிச்சோம் என மேலே வர எதிரே தீபா வருகிறாள்.

மீனாட்சியிடம் தீபா, இந்த குடும்பத்துக்கும் சிவாவுக்கும் என்ன சம்பந்தம் என கேட்க மீனாட்சி சிவாவின் தங்கச்சி அருணை காதலிச்சா, ஆனா அருணுக்கு அவள் மீது எந்த விருப்பமும் இல்லை என்பதால் இது கல்யாண வரைக்கும் போகவில்லை. இதனால் சிவாவின் தங்கச்சி தற்கொலை செய்து கொண்டாள். அதன் பிறகு அபிராமி சிவாவிடம் சென்று மன்னிப்பு கேட்க பிறகு அவர் நம்முடைய குடும்ப நண்பராகி விட்டார் என்ற விஷயத்தை சொல்லி அங்கிருந்து கிளம்பிச் செல்கிறாள்.

இதனால் தீபா சிவாவுக்கும் இந்த குடும்பத்துக்கும் ஏற்கனவே பகை இருந்திருக்கு, அதை தீர்த்துக் கொள்ளத்தான் என்னை பயன்படுத்தி இருக்கிறார். சிவாவுக்கும் இந்த குடும்பத்துக்கும் என்ன பிரச்சனை? அது பிசினஸ் சார்ந்த பிரச்சனையா என்ன? என்பதெல்லாம் கண்டுபிடிக்க வேண்டும் என யோசிக்கிறாள்.

இப்படியான நிலையில் அடுத்ததாக நடக்கப் போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.