விலை பேசிய சிவணான்டி.. கார்த்திக் கொடுத்த பதிலடி என்ன? கார்த்திகை தீபம் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில் சந்திரகலா சிவனாண்டியை சந்திக்க, இருவரும் கணவன் மனைவி என தெரிய வந்துள்ள நிலையில் இன்று நடக்கப்போவது என்ன என்பது குறித்து பார்க்கலாம் வாங்க.

அவமான படுத்தி அனுப்பி வைத்த கார்த்திக்

அதாவது, சந்திரகலா கார்த்திக் ரொம்ப ஸ்ட்ராங்கான ஆளா இருக்கான்.. அவனை நம்ம கூட வச்சுக்கிட்டா சாமுண்டீஸ்வரியை ஈஸியா ஜெயித்து விடலாம் என்று சொல்கிறாள் . இதைத் தொடர்ந்து சிவனாண்டி கார்த்தியை சந்தித்து எங்க கூட சேர்ந்து வேலை செய்ய ரெடியா என்று கேட்க, கார்த்திக் முடியாது என மறுத்து சிவனாண்டியை அவமானப்படுத்தி அனுப்பி வைக்கிறான்.

அடுத்து ஸ்வேதா பாட்டுப்பாடி பிராக்டிஸ் செய்து கொண்டு இருக்க, கார்த்திக் அதை பார்த்து சூப்பரா பாடுறீங்க என்று பாராட்டுகிறான். இந்த நிலையில், ஸ்வேதா அம்மாவிடம் சொல்லி விடாதீங்க என பதற, கார்த்தி நான் ஏங்க சொல்ல போறேன் என நகர்ந்து சென்று விடுகிறான்.

அதன் பிறகு சிவணான்டி ஆட்கள் சாமுண்டீஸ்வரி குடும்பத்தை மடக்கி கத்தியால் குத்த வர, சாமுண்டீஸ்வரி துப்பாக்கியை எடுக்கிறாள். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

முதல் மகள் காட்டப்படுகிறாள்

அதாவது, சாமுண்டீஸ்வரியின் முதல் மகள் காட்டப்படுகிறாள். அவளை மயில் வாகனம் என்பவர் பின் தொடர்ந்து வந்தார். ஒரு கட்டத்தில் கையைப் பிடித்து இழுக்க, அதை பார்த்து எல்லோரும் மயில் வாகனத்தை அடிக்க பாய்ந்தனர். இதையடுத்து சாமுண்டீஸ்வரி அது என் மகள்தான், அவர் என் கணவர் என்று கூறி தடுத்தாள்.

இதை தொடர்ந்து சாமுண்டீஸ்வரியின் கடைசி மகள் ஸ்வேதா, திருவிழாவில் பாட்டு பாட, இந்த குரலை கேட்ட ராஜராஜன் ஸ்வேதா பாடினால் சாமுண்டீஸ்வரிக்கு பிடிக்காது என்பதால் தடுத்து நிறுத்த ஓடி வந்தான்..சாமுண்டீஸ்வரியும் குரலை கேட்டு சந்தேகத்துடன் ஓடி வந்தாள்.

ஒரு கட்டத்தில், மயில் வாகனம் ஸ்வேதா பாடுவதை மறைத்து விட்டான். அதன் பிறகு சாமுண்டீஸ்வரி தன்னிடம் திமிராய் நடந்து கொண்ட கார்த்தியை தனக்கு கீழே வேலை செய்ய வைக்க வேண்டும் என சொல்ல, சந்திரகலா இது குறித்து கார்த்தியிடம் பேச சொன்னாள்.

ஆனால் கார்த்திக் எனக்கு வேற வேலை இருக்கு.. திமிர் புடிச்ச சாமுண்டீஸ்வரி கிட்ட வேலை பார்க்க முடியாது என பதிலடி கொடுத்தான். அதன் பிறகு சந்திரகலா சாமுண்டீஸ்வரி எதிரியான சிவனாண்டியை சந்தித்தாள்.

இறுதியில் சிவனாண்டி மனைவி தான் சந்திரகலா.. சாமுண்டீஸ்வரியை வேவு பார்ப்பதற்காக அவளுடன் இருக்கிறாள் என்பது தெரிய வந்தது.