OTT Release This Week: என்ன ஒரே சூப்பர் படங்களா இருக்கே? - இந்த வாரம் ஓடிடியில் என்ன ஸ்பெஷல் பாருங்க!

தங்கலான்

சார்பட்டா பரம்பரைக்குப் பின், பா.இரஞ்சித் கடைசியாக இயக்கிய படம், நட்சத்திரம் நகர்கிறது. அதனைத் தொடர்ந்து, அவர் இயக்கிய படம் தான், தங்கலான். இப்படத்தில் நடிகர் விக்ரம், பார்வதி, பசுபதி, மாளவிகா மோகனன் ஆகியோர் நடித்திருந்தனர். இப்படத்தின் ஷீட்டிங், ஒகேனக்கல், மதுரை, ஆந்திராவின் கடப்பா போன்றப் பல்வேறு பகுதிகளில் நடந்தது.

கோலார் தங்க வயல் பின்னணியில் உருவான இந்த திரைப்படம் கடந்த நூற்றாண்டுகளில் வாழ்ந்த ஒடுக்கப்பட்ட மக்களின் யதார்த்த வாழ்வியலையும், ஆதிக்கத்திற்கு கட்டுப்பட்டு உரிமைகளுக்காக போராடிய அவர்களின் போராட்ட வாழ்வியலை மாய யதார்த்தம் மற்றும் புதுமையான திரை மொழியால் உருவாக்கப்பட்டு இருந்தது.

இதில் சீயான் விக்ரமின் அர்ப்பணிப்புடன் கூடிய கடின உழைப்பை கண்களை இமைக்க மறந்து, அகல விரித்து.. கண்டு ரசித்து, வியந்து பாராட்டாதவர்களே இல்லை எனலாம். இது அவருடைய ரசிகர்களுக்கு மட்டுமல்லாமல் அனைத்து தரப்பினருக்கும் புதிய அனுபவத்தை அளித்தது. 'தங்கலான்' படம் வரும் செப்டம்பர் 20 ஆம் தேதி நெட்ஃபிளிக்ஸ் ஓடிடி தளத்தில் வெளியாக உள்ளது.

டிமான்ட்டி காலனி 2

அஜய் ஞானமுத்து இயக்கத்தில் அருள்நிதி, ரமேஷ் திலக், சனத் உள்ளிட்ட பலர் நடிப்பில் வெளியான படம் ‘டிமான்ட்டி காலனி’. 2015-ம் ஆண்டு வெளியான இந்தப் படம் நல்ல வரவேற்பைப் பெற்றது. 7 ஆண்டுகள் கழித்து இந்தப் படத்தின் இரண்டாம் பாகம் சமீபத்தில் வெளியானது. முதல் பாகத்தை இயக்கிய அஜய் ஞானமுத்துவே இரண்டாம் பாகத்தையும் இயக்கி இருக்கிறார். அருள்நிதி நாயகனாக நடிக்கும் இப்படத்தில் பிரியா பவானி சங்கர் முன்னணி கதாபாத்திரத்தில் நடித்து இருக்கிறார். சாம்.சி. எஸ் இசையமைத்து உள்ளார். டிமான்ட்டி காலனி 2 படம்  வரும் 27 ஆம் தேதி ஜீ5 தளத்தில் ரிலீஸாகிறது.

லால் சலாம்

லால் சலாம் திரைப்படம் ரஜினியின் கேரியரில் மிக மோசமான பேரழிவாக அமைந்தது. லால் சலாம் படத்தை ரஜினியின் மகள் ஐஸ்வர்யா ரஜினிகாந்த் இயக்கியுள்ளார்.

கிட்டத்தட்ட ஒன்பது வருட இடைவெளிக்குப் பிறகு ஐஸ்வர்யா, லால் சலாம் படத்தின் மூலம் இயக்குநராக ரீ- என்ட்ரி கொடுத்தார். லால் சலாம் படத்தில் விஷ்ணு விஷால், விக்ராந்த் ஆகியோர் ஹீரோவாக நடித்திருந்தனர். ரஜினிகாந்த் நீண்ட கெஸ்ட் ரோலில் நடித்தார். 'லால் சலாம்' படம் செப்டம்பர் 20 ஆம் தேதி ஓடிடியில் ரிலீஸ் ஆக இருப்பதாக தகவல் வெளியாகி உள்ளது.

தலைவெட்டியான் பாளையம்

ஸ்டேண்டப் காமடியன் அபிஷேக் குமார் நடித்து இந்தியில் வெளியான தொடர் ‘பஞ்சாயத்’. இது தமிழ் மொழியில் ‘தலைவெட்டியான் பாளையம்’ என்ற பெயரில் ரீமேக் செய்யப்பட்டது. அமேசான் பிரைமில் வரும் செப்டம்பர் 20 ஆம் தேதி வெளியாகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil   

Google News: https://bit.ly/3onGqm9

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v