‘ 35 வயசுல சிங்களா இருப்பேனா?’ - நடிகையுடன் காதலில் இருப்பதை ஒப்புக்கொண்ட விஜய் தேவரகொண்டா

விஜய் தேவரகொண்டா தற்போது சாஹிபா என்ற ஆல்பம் பாடலில் நடித்து உள்ளார். இந்த இசை வீடியோவை விளம்பரப்படுத்தும் போது அவர் காதல், உறவுகள் மற்றும் திருமணம் குறித்து பேசினார்.

கர்லி டேல்ஸ் உடனான ஒரு நேர்காணலில், வழக்கமாக தனது தனிப்பட்ட வாழ்க்கையைப் பற்றி எதையும் சொல்லாமல் இருக்கும் விஜய் தேவரகொண்டா முதல் முறையாக அதை உடைத்து வெளிப்படையாக பேசி உள்ளார்.

எதிர்பார்ப்புகளுடன் வந்த காதல்

அவர் கூறுகையில்," காதலிப்பது எப்படி இருக்கும் என்று எனக்குத் தெரியும். காதலிக்கவும் தெரியும். அது நிபந்தனையற்றதா என்று தெரியவில்லை. ஏனென்றால் என் காதல் எதிர்பார்ப்புகளுடன் கலந்தது. காதலில் நிபந்தனைகள் இருப்பதில் தவறில்லை என்று நினைக்கிறேன். எனக்கு 35 வயதாகிறது. நான் சிங்கிளாக இருப்பேன் என்று நினைக்கிறீர்களா? நான் காதலிக்கிறேன். ஒரு சக நடிகருடன் டேட்டிங் செய்துள்ளேன் “ என்றார்.

நடிகையுடன் டேட்டிங் வதந்தி

நடிகர் விஜய் தேவரகொண்டா மற்றும் ராஷ்மிகா மந்தனா ஆகியோர் 2018 ஆம் ஆண்டு வெளியான கீதா கோவிந்தம் மற்றும் 2019 ஆம் ஆண்டு வெளியான டியர் காம்ரேட் படங்களில் ஒன்றாக நடித்ததிலிருந்து டேட்டிங் செய்வதாக வதந்திகள் பரவி வருகின்றன. 

ராஷ்மிகா மந்தனா அடிக்கடி விஜய் தேவரகொண்டா வீட்டிலிருந்து படங்களை வெளியிட்டு, அவரது குடும்பத்தினருடன் நெருங்கிய உறவைப் பகிர்ந்து கொள்கிறார், இது அவர்கள் டேட்டிங் செய்கிறார்களா என்று ரசிகர்களை யோசிக்க வைக்கிறது. அது மட்டுமில்லாமல் இருவரும் அடிக்கடி விடுமுறைக்கு ஒன்றாக செல்வதாக சொல்லப்படுகிறது.

சாஹிபா பாடல்

'ஹீரியே' பாடல் மூலம் ஓவர்நைட் கிரேஸாக மாறிய பாடகியும் இசையமைப்பாளருமான ஜஸ்லீன் ராயல் சாஹிபா பாடல் ஆல்பத்தை தயாரித்து உள்ளார். இதில் விஜய் தேவரகொண்டா ஹீரோவாக நடித்து இருக்கும் நிலையில் அவருக்கு ஜோடியாக ராதிகா மதன் நடித்து உள்ளார்.

விஜய் தேவரகொண்டா தற்போது கௌதம் தினனூரி இயக்கத்தில் ஒரு படத்தில் நடித்து வருகிறார் . மிகவும் பிரம்மாண்டமான பட்ஜெட்டில் இரண்டு பாகங்களாக இப்படம் வெளிவர உள்ளது . சிதாரா என்டர்டெயின்மென்ட் பேனரில் சூர்யா தேவரா நாகவன்ஷி இந்தப் படத்தைத் தயாரிக்கிறார். சமீபத்தில் வெளியான ஃபர்ஸ்ட் லுக் போஸ்டரும் படத்தின் எதிர்பார்ப்பை அதிகப்படுத்தி உள்ளது. கீத கோவிந்தா படத்திற்கு பிறகு விஜய் நடித்த படங்கள் அனைத்தும் தோல்வியை தழுவியது.