Viduthalai Part 2: வீரமும், காதலும்.. வெற்றிமாறனின் ‘விடுதலை 2’ படத்தின் ஃபர்ஸ்ட் லுக்!

Viduthalai Part 2: நடிகர் விஜய்சேதுபதிக்கு அறிமுகமே தேவையில்லை. அவரது நடிப்பில், அண்மையில் வெளியான திரைப்படம் ‘மகாராஜா’. 

‘குரங்கு பொம்மை’ இயக்குநர் நித்திலன் இயக்கத்தில் வெளியான இந்த படம், விமர்சன ரீதியாக பெரும் வரவேற்பை பெற்றதோடு மட்டுமல்லாமல், வசூல் ரீதியாகவும் மிகப்பெரிய வரவேற்பை பெற்று 100 கோடி ரூபாயை தாண்டி வசூல் செய்து இருக்கிறது.

வாத்தியாராக வரும் விஜய் சேதுபதி

அடுத்ததாக மக்கள் செல்வன் விஜய் சேதுபதி, வாத்தியார் கதாபாத்திரத்தில் நடித்து இருக்கும் விடுதலை படத்தின் இரண்டாம் பாகம் வெளியாக தயார் நிலையில் இருக்கிறது. இந்த படத்தில் நடிகர் சூரி கதையின் நாயகனாக நடித்து இருந்தார்.அதில் அவருக்கு பெரிய பேர் கிடைத்தது.

இந்த படத்தை இயக்குநர் வெற்றிமாறன் இயக்கி இருக்கும் நிலையில், பிரபல இசையமைப்பாளர் இளையராஜா இந்தப்படத்திற்கு இசையமைத்து இருக்கிறார். இந்த நிலையில், இந்தப்படத்தின் இரண்டாம் பாகத்தின் ஃபர்ஸ்ட் லுக் தற்போது வெளியாகி இருக்கிறது. அதில், நாளை காலை 11 மணிக்கு இந்தப்படத்தின் முதல் பார்வை வெளியாகும் என்று குறிப்பிடப்பட்டு இருந்தது.

ஃபர்ஸ்ட் லுக்

இந்நிலையில் ரசிகர்கள் நீண்ட நாட்களாக ஆவலுடன் எதிர்பார்த்து காத்திருந்த விடுதலை 2 படத்தின் ஃபர்ஸ்ட் லுக் போஸ்டர்ஸ் தற்போது அதிகாரப்பூர்வமாக படக்குழு வெளியீட்டு இருக்கிறது.

போஸ்டரில் கையில் கத்தியுடன் மக்கள் செல்வன் விஜய் சேதுபதி இருக்க, மற்றொரு போஸ்டரில் மஞ்சு வாரியருடன் ஜோடியாக இருக்கிறார். இந்த போஸ்டர் வைரலாகி வருகிறது.

ஏகோபித்த வரவேற்பை பெற்ற விடுதலை 1

முன்னதாக, எழுத்தாளர் ஜெயமோகனின் துணைவன் நாவலை அடிப்படையாக கொண்டு இரண்டு பாகங்களாக உருவாக்கப்பட்டுள்ளது விடுதலை திரைப்படம். ஆர்.எஸ். இன்போடெயின்மென்ட் நிறுவனத்தின் சார்பில் எல்ரெட் குமார் தயாரித்து உள்ளார்.

இந்த படத்தின் முதல் பாகம் 30 - 03- 2024 அன்று வெளியாகி மக்களிடம் நல்ல வரவேற்பை பெற்றது. அதே நேரம் சிலர் விடுதலை படம் குறித்தான தங்களது விமர்சனங்களையும் பதிவிட்டனர். 

வெற்றிமாறன் நெகிழ்ச்சி

இந்த மாதிரியான ஒரு படத்தை பத்திரிக்கையாளர்கள் சப்போர்ட் செய்ய வேண்டும் என்று நினைத்ததே இதில் முக்கியமான விஷயம். இந்த படத்தில் நிறைய குறைகள் இருக்கின்றன. ஆனால் அதை எல்லாம் புறந்தள்ளிவிட்டு இந்த படத்தினுடைய உள்நோக்கத்தை புரிந்துகொண்டு, இந்த படத்தை விமர்சனம் செய்ததற்கு நன்றி. இந்த படத்தை இவ்வளவு அபரிவிதமாக கொண்டாடி ஏற்றுக்கொண்ட மக்களுக்கு நன்றி.

நல்லவர்களை கதாநாயகர்களாக வைத்து படங்கள் வந்து வெகு நாட்களாகி விட்டது. ரெட் ஜெயன்ட் மூவீஸ் இந்த படத்தை பார்ப்பதற்கு முன்னர், ராஜா சார் தான் இந்த படத்தை பார்த்து இந்த படம் ஒரு மிக முக்கியமான படம் என்று சொன்னார். அத்துடன் உனக்கு என்ன மாதிரியான இசை வேண்டுமோ அதை நாம் செய்து தருகிறேன் என்று சொல்லி முழுவதுமாக என்னை ஊக்குவித்தார். அதற்காக நான் இந்த இடத்தில் அவருக்கு நன்றி சொல்ல விரும்புகிறேன்” என்று பேசினார்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9