Veeram Hindi Remake : வீரம் படத்தின் இந்தி ரீமேக்.. புதிய போஸ்டர் இதோ!

2014ஆம் ஆண்டு அஜித் - சிவா கூட்டணியில் வெளியாகி சூப்பர் ஹிட்டான படம் வீரம். ரசிகர்களை பெரிதும் கவர்ந்த இந்தப் படம் பாக்ஸ் ஆபிஸ் வசூலிலும் கலக்கியது. அத்துடன் காமெடி, ஆக்‌ஷன், காதல், சென்டிமெண்ட் என அனைத்து கலந்த கலவயாக வீரம் படம் அமைந்திருந்தது சிறுவர்கள் முதல் பெரியவர்கள் வரை ரசிக்கும் படமாக ஆக்கியது.

கேங்ஸ்டர், ஆக்‌ஷன் படங்களில் நடித்து வந்த நிலையில், இந்தப் படத்தில் கிராமத்து கெட்டப்பில் படம் முழுவதும் வேட்டி சட்டையுடன் தோன்றி சர்ப்ரைஸ் அளித்திருப்பார் அஜீத்.

இதையடுத்து வீரம் படத்தை தெலுங்கில் கட்டமராயுடன் என்ற பெயரில் ரீமேக்கானது, அதில் பவன் கல்யாண் நடித்திருந்தார். தமிழை போல் தெலுங்கிலும் பல மாஸ்ஸான காட்சிகளுடன் உருவாக்கப்பட்ட இந்தப் படம் தெலுங்கிலும் ஹிட்டடித்து.

அதேபோல வீரம் படம் இந்தி ரீமேக்காகிறது. இப்படத்திற்கு கிசி கா பாய் கிசி கி ஜான் என பெயரிடப்பட்டுள்ளது. சல்மான் கான், வெங்கடேஷ், பூஜா ஹெக்டே ஆகியோர் இப்படத்தில் நடித்துள்ளார்கள்.

இப்படம் வீரம் படத்தின் ரீமேக் என கூறப்பட்டாலும், இந்த டீசரை பார்த்த தமிழ் ரசிகர்கள் அதில் வீரம் படத்தின் சாயல் கொஞ்சம் கூட தெரியவில்லை. நீளமான முடியை வைத்துக்கொண்டு சல்மான் கான் வழக்கம்போல் தூணையே உதைத்து உருட்டி விட்டு, காரை பறக்கவிடுவது போன்ற ஆக்‌ஷன் காட்சிகள் இடம்பெற்றுள்ளன.

முழுமையாக கிராமத்து கதைகக்களத்தின் அடிப்படையில் உருவான வீரம் படத்திற்கும், இந்த ரீமேக்கிற்கும் என்ன சம்மந்தம் உள்ளது என ஆச்சரியப்படும் வகையில் தான் சல்மான் கானின் கிசி கா பாய் கிசி கி ஜான் படத்தின் டீசர் அமைந்துள்ளது. இந்நிலையில் தற்போது வீரம் படத்தின் இந்தி ரீமேக்கான ‘கிஸி கி பாய், கிஸி கி ஜான்’ படத்தின் புதிய போஸ்டர் வெளியானது.

சல்மான் கான், பூஜா ஹெக்டே உள்ளிட்டோர் நடித்துள்ள இப்படத்தின் ட்ரெய்லர் நாளை மறுநாள்(ஏப்ரல்-10) வெளியாகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.