Varisu: அதுக்குள்ளயா.. இது என்ன வாரிசு படத்திற்கு வந்த சோதனை

நடிகர் விஜய் நடித்த வாரிசு படம் தமிழ், தெலுங்கு என இரண்டு மொழிகளில் பொங்கல் பண்டிகை முன்னிட்டு வெளியானது. இயக்குநர் வம்சி இயக்கிய இப்படத்திற்கு இசையமைப்பாளர் தமன் இசையமைத்துள்ளார்.

தில் ராஜு படத்தை தயாரிக்க, 7 ஸ்க்ரீன் ஸ்டூடியோ நிறுவனம் மற்றும் உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் இணைந்து படத்தை வெளியீடு செய்தது.

வாரிசு திரைப்படம் உலகளவில் சுமார் 300 கோடி ரூபய்க்கு மேல் வசூல் செய்துள்ளதாக படக்குழு சார்பில் அதிகாரப்பூர்வமாக தகவல்கள் வெளியாகின. இதில் நாயகியாக ராஷ்மிகா நடித்த சரத்குமார், ஷாம், பிரகாஷ் ராஜ், சங்கீதா உள்ளிட்டோர் முன்னணி பாத்திரங்களில் நடித்தனர்.

இந்நிலையில் திரையரங்கில் இப்படம் படைத்த பிரமாண்ட வெற்றிக்கு பிறகு தற்போது தொலைக்காட்சியில் ஒளிபரப்பாக உள்ளது.

தமிழ் புத்தாண்டு நாளான ஏப்ரல் 14 ஆம் தேதி சன் தொலைக்காட்சியில்இப்படம் மாலை 6:30 மணிக்கு ஒளிபரப்பாகிறது. இது விஜய் ரசிகர்களை குஷிப்படுத்தி உள்ளது. ஒரு சிலரோ என்னது அதற்குள் படம் டிவில வருகிறதா என அதிர்ச்சி அடைந்து உள்ளனர்.

முன்னதாக நடிகர் விஜய்யின் பிகில், பைரவா, சர்கார் ஆகிய படங்கள் டிஆர்பியில் சாதனை படைத்தது. அதே போல் வாரிசு படமும் சாதனை படக்கும் என எதிர்பார்க்கப்படுகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.